Izena emateko epea oraindik zabalik dago honako esteka honetan, eta dortsalak Berangoko Antzokian banatuko dituzte urriaren 5an eta 6an. Umeen Bizikleta Festan bikoteka adinekoek eta adingabeek eman dezakete izena, baina helduek ezin izango dute adingaberik gabe parte hartu; hala ere, nagusi batek adingabe bat baino gehiagogaz joan ahalko dira.
Martxa Erandioko Obieta kaletik hasiko da 11:00etan eta Leioa eta Getxo zeharkatuko ditu Berangon 13:00etan bukatzeko. Tartean, hornitzeko eta indarrak berreskuratzeko geldiunea egingo dute Leioako Boulevarden.
Berangoko Moreaga plazan egongo den helmugan mokadutxoa banatuko dute dortsalen truke, eta arratsaldeko 19:00ak arte hainbat ekintza egingo dituzte familientzako, hala nola gynkana, txokolatada edo puzgarriak.