Eusko Jaurlaritzaren Larrialdiei Aurre Egiteko eta Meteorologiako Zuzendaritzak haizeagatiko alerta laranjako iragarpena egin du biharko Euskal Autonomia Erkidego (EAE) osoan biharko, azaroaren 1erako, 21:00etik 00:00etara. Hala, Uribe Kostako udalek ere euren emergentzia planak aktibatu dituzte.
Alde batetik, alerta laranja ezarri dute haizeguneetan eta haizeguneak ez diren tokietan 21:00etatik 00:00etara. Hego-mendebaldeko haize-boladek 120 km orduko abiadura gaindi dezakete haizeguneetan, bereziki mendebaldeko mendi inguruetan. Haizeguneak ez diren tokietan, berriz, 100 km orduko abiadura gaindi dezakete.
Gainera, abisu horia ere iragarri dute Bizkaiko haizeguneetan 00:00etatik 06:00etara. Izan ere, hego-mendebaldeko haize-boladek 100 km orduko abiadura gaindi dezakete, bereziki mendebaldeko mendi inguruetan. Haizeguneak ez diren Bizkaiko lekuetan haize-boladak 70-80 km orduko ingurukoak izan daitezke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
