Adimen artifizialei euskaraz irakasteko tailerra egingo dute abenduaren 1ean Lemoizen

Nahia Martinez Gondra 2023ko aza. 20a, 17:20
Saioa datorren abenduaren 1ean, barikuan, izango da, arrastiko 19:00etan, Lemoizen, Urizarko Kultur-Gelan.

Abenduaren 3an ospatzen den Euskararen Nazioarteko Egunaren harira, Uribe Kostako Mankomunitateko Euskara Zerbitzuak adimen artifizialei euskaraz irakasteko hitzaldi eta tailer praktikoa antolatu du. Saioa datorren abenduaren 1ean, barikuan, izango da, arrastiko 19:00etan, Lemoizen, Urizarko Kultur-Gelan.

Uribe Kostako eskualdeko pertsona guztiak daude gonbidatuta jarduera honetan parte hartzera. Bertaratzen direnek Gaitu egitasmoa ezagutu eta zabaltzeko aukera izango dute, eta, hala, adimen artifizialak euskarazko ahotsakaz elikatzearen inguruan hausnartuko dute. 

Helburua da makinek gure hizkuntza ulertzea eta hitz egitea. Guztion artean sortzen ari diren ahotsen datu-basea elikatzeko aukera sortzea, gerora, enpresa guztiek erabili ahal izango dituzten euskarazko ahotsak, euskarazko tresna eta aplikazio berriak sortzeko, euskaldun guztien onurarako. 

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun