Duela 70 urte, Alaitz Goñiren aitite-amamek gasolindegia sortu zuten Getxon. Garai zailak ziren; izan ere, oraindino ez zeuden kotxerik kalean, motorrak baino ez. "Egunero, kantitate zehatz bat saldu behar zuten, eta lortzen ez zutenean, beraiek erosten zuten kontzesioa ez galtzeko", gogoratzen du Goñik. Hala, egun, hiru anai-arrebek kudeatzen dute Berangoko irteeran dagoen GetxoGaso gasolindegia, 20 kideko lan-taldea osatuz. Negozioaren bereizgarriak dira berezoarekiko harremana euskaraz eta kalitatezkoa izatea.
Gasolindegia jaio zenetik, aldaketa batzuk bizi izan ditu GetxoGasok. Hala ere, oraindino beste asko falta direla azaldu du Goñik: "Denda handituz joan da, eta gero eta produktu gehiago daude, baita gasolina eta diesel gehiago ere. Baina egia da sektore guztietan egon direla aldaketak eta gasolinaren sektorean oraindik ez zaizkigu hainbeste iritsi. Eta horixe da guri heltzear dagoen erronka: elektrizitatea kotxeetan, hidrogenoa, GLP-a, beste mobilitate batzuk... horri aurre egin beharko diogu eta prestatzen ari gara".
Gainera, argi du zerk bereizten duen bere familia-negozioa beste gasolindegi batzuetatik: euskarak eta kalitateak. "Alde batetik, gure negozioak euskararekiko maitasun berezia du. Bestalde, gure helburua nagusia da kalitatezko kotxe garbiketa ematea. Adibidez, Alemaniara joan ginen gure garbiketa tunela erabakitzera".
Hala, egunero-egunero % 100a ematen dute behintzat beste 70 urtez ere euren gasolindegi-zerbitzua onena izateko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun