67 erakundek deialdi kolektiboa egin dute artikulu horiek emateko – etxeko garabiak, ohe artikulatuak, gurpil-aulkiak eta abar –, eta mailegu solidarioetan berrerabiliko dira. Horien artean, Erandio, Urduliz, Barrika, Plentzia, Gorliz eta Lemoizko Udalek bat egin dute.
Dohaintzak egiteko BAT Munizipalagaz harremanetan jarri behar da 944 409 116 telefonoaren bidez edo bat@bultzatu.org helbide elektronikoaren bidez.
Udal BAT Laguntza Teknikoen Bankuak antolatu du, udalakaz lankidetzan, eta gizarte-estaldura berri hori ematen du, behar dutenei produktu horiek azkar eskuratzeko aukera bermatzeko.
Orain arte egin diren 500 dohaintzei esker, eskuragarri dauden produktuen katalogoa handitu eta 249 familia baino gehiagori lagundu ahal izan zaie.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!