Bizkaiko Medikuen Elkargoak Aurretiazko Borondateen Bulegoa (ABB) ireki die Bizkaiko lurralde osoko herritarrei, Uribe Kostakoei barne. Ekimen horren helburua da interesa duten pertsonei laguntzea beren Aurretiazko Borondateen Dokumentua (ABD) Eusko Jaurlaritzaren Aurretiazko Borondateen Erregistroan idazten, legeztatzen eta erregistratzen. Dokumentu honen bidez, lagunek aukera izango dute beren bizitzaren amaierara erabaki bezala iristeko, eta lasaitasuna ematen die senideei, ez baitute beren burua behartuta ikusiko pertsona maitatuaren izenean erabakiak hartzera.
Dokumentu hori edukitzeak aukera emango die bai agiria duen pertsonaren mediku-taldeari, bai haren familiari, pertsona horrek bere buruarentzat zer gura duen jakiteko, bere borondatea adierazi ezin duen bizi-amaierako egoera batean: zer tratamendu onartzen dituen, zeintzuk baztertzen dituen eta nola iritsi gura duen bere bizitzaren amaierara.
Aurretiazko Borondateen Agiria Bizkaiko Medikuen Elkargoko Aurretiazko Borondateen Bulegoan egin gura duenak 944 354 700 telefonora deitu edo web orrian dagoen formularioaren bidez hitzordua eskatu dezake.
Eskaera OVAn jaso ondoren, informazio-saio baterako hitzordua jasoko dute lagunek, beste interesdun talde txiki bategaz batera. Ondoren, taldean ere egingo den bigarren saio batera joan beharko dute izena eman duten pertsonek.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
