Getxo eta Leioa artean, eskualdeko kostalderako ate gisa, auzokide eta bisitariei ondoetorria –edo agurra– egiten die Nestor Basterretxea bermeotarraren Bizkaia, una ola de hierro - Bizkaia, burdinezko olatua (1989) izeneko eskultura erraldoiak. 10 metroko altuera du, eta corten altzairuz eta hormigoiz egina dago. Adituek diotenez, foru lurraldeari buruzko alegoria bat da, abstrakzioaren eta figurazioaren artean kokatuta, gizartearen egoerei aurre egiteko herritarren esfortzuari erreferentzia egiten diona. Izan ere, itsasoaren eta burdin-materialaren arteko tentsioan oinarrituta, ontzigintzari eta metalurgiari lotuta dago, Bizkaiak bizi izan duen oparoaldiaren harira.
Jatorriz, ura eskulturaren planoen eta bolumenen artean mugitzen zen, eta egituraren hormigoizko oinarriak zubi forma du; altzairuzko xaflen forma geometrikoakaz du harremana, nolabaiteko elkarrekintza irudikatu guran. Gainera, eskultura inguratzen duen urmael zirkular bat dago, eta horren islek ere garrantzi handia dute kontakizunean.
Bibliografia:
Saenz de Gorbea. Eskuinaldea. Promozio Turistikorako Zuzendaritza Orokorra.