Jasangarritasun saileko Ekogune Ikastaroen izen-emate epea zabalik dago otsailaren 4ra arte

Nahia Martinez Gondra 2024ko urt. 25a, 10:17
Hamaika tailer daude ume eta gazteentzat zuzenduta.

2024ko lehenengo lauhilekoko ikastaroak ikusgai daude daborduko hemen. Hala, interesatuek izena eman dezakete formularioa betez otsailaren 4ra arte eta onartuen zerrenda otsailaren 12an argitaratuko dute.

Hurrengoak dira tailer guztiak: etxeko konponketa txikiak; nola egin errezeta dibertigarriak etxekoakaz batera kozinatzeko; urtebetetze osasungarriak benetako janariagaz; egin zeure ernamuinduak, artisau erara; biziraupeneko sukaldaritza osasungarria, etxetik atera berriak diren gazteentzako; sukaldaritza eskola umeentzat (8-12 urte – euskaraz); sukaldaritza eskola gazteentzat (12-18 urte – euskaraz); otartekoak, askariak eta etxeko zukuak; bete ezazu zure jaki-tokia kalitatezko produktuakaz: nola egin etxeko marmeladak eta pateak; osasuntsu eta elikagarri jatea, sukaldean denbora laburra erabiliz; bete ezazu zure jaki-tokia kalitatezko produktuakaz: nola egin etxeko saltsa gazi-gozoak; nola egin etxeko esneki naturalak; bete ezazu zeure jaki-tokia kalitatezko produktuakaz: nola egin etxeko hartzigarriak; udaberriko sukaldaritza; nola egin hainbat ogi eta brioche-mota, ore ama erabiliz; kroketa originalak eta osasungarria; objektuak eta altzariak zaharberritzea; nola egin hanburgesa begetarianoak eta horietarako saltsak; apaindurazko teknikak hainbat gainazaletan; nola egin entsaladak eta edergarri osasungarriak eta zereal integralak, energia-iturri.​

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun