EAL, LAB eta CCOO sindikatuek grebara deitu dituzte Bizkaiko kiroldegietako 2.000 langile inguru. Azaldu dutenez, urtarrilean zehar egindako lanuzteek jarraipen "oso zabala izan dute, langileek % 90ak parte hartu baitu horietan". Hala ere, hitzarmena berritzeko negoziazioetan oraindik "garrantzitsuak diren zenbait arlo jaso gabe daudenez", otsailaren 6an greba-eguna deitu dute eta Bilbon manifestatuko dira.
Sindikatuko ordezkariek gaineratu dutenez, aurreko astean egin zuten azken bilera patronalagaz; guztira, 16 bilera egin dituzte urtebete inguruan, "baina aurkeztutako edukiak ez dira langileen gutxieneko eskaeretara iristen". Hori dela eta, bihar, greba-egun berria egingo dute negoziazioa desblokeatzeko exijitzeko.
ELAtik azaldu dutenez, "kontuan izan behar da sektoreko langile askoren baldintzak oso kaskarrak direla: kontratu partzial asko daude, soldatak txikiak dira eta ez da erosahalmena bermatzen, ordutegi aldaketa asko dituzte, aste-akabuetako plusik gabe jarduten dute maiz, disponibilitatea eskatzen zaie eta kontziliazio arazoak dituzte... Gainera, Udalek gero eta aurrekontu txikiagoak dituzte kirol zerbitzuetarako, eta langileen lan baldintzetan islatzen da hori".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
