Abisu laranja ezarri dute itsasaldeko arriskuagatik

Ander Zarraga 2024ko ots. 23a, 11:32
Deskargatu Info Ahotsak :
es en fr

Ekaitzaren latzena biharko aurreikusi dute, batez ere kostaldea, olatuen inpaktuagatik.

Segurtasun Sailak alerta laranja aktibatu du, kostaldean bost metrotik gorako olatuak iragarri baitituzte. Gainera, barnealdean ere abisu horia dago aktibatuta elurragatik, eta alerta-egoera domekara arte iraungo du, denboralearen gogorrena bihar izatea aurreikusi baitute. 

Gaurko 12:00etatik aurrera abisu horia aktibatu dute kostaldean itsasaldeko arriskuagatik, 5 metrotik gorako olatuak aurreikusi baitituzte. Halaber, nabigaziorako lehen bi milietan alerta laranja egongo da aktibatuta bihar arte. Barrualdean ere elur-kota 1.000 metrotik behera egongo da gaur eta bihar; izan ere, zapatuko lehen orduetan 400-500 metro inguruan ere kokatuko da.

Denboralearen gogorrena zapaturako aurreikusi du Segurtasun Sailak, hori dela eta, alerta laranja ezarri dute kostaldean olatuek inpaktuengatik, bereziki 04:46an eta 17:04ean izango diren itsasgoren inguruan.

Domekan alerta laranjak jarraituko du kostaldean eta horri abisu horia gehituko zaio haizeguneetan eman daitezkeen orduko 100 kilometrotik gorako haize-boladengatik.

Ingurumena Barrika Getxo Gorliz Lemoiz Plentzia Sopela
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun