Alerta laranja aktibatuko dute eguerdian euriteengatik

Ander Zarraga 2024ko ots. 26a, 08:48

Gaur eta bihar alerta laranja aktibatuta egongo da Kantauri isurialdean prezipitazio iraunkorrengatik. Eusko Jaurlaritzako Segurtasun Sailak ohartarazi du asteleheneko 12:00etatik martitzeneko ordu berera 80 litro metro koadroko prezipitazioak pilatu daitezkeela. Gainera, hurrengo orduetan abisu horiak indarrean jarraituko du nabigaziorako eta itsasaldean olatuengatik.

Alerta laranja gaur eguerdian aktibatuko dute, 12:00etan, eta indarrean jarraituko du martitzenera arte, 12:00ak arte baita ere. Hala, besteak beste, Getxoko Udalak Krisi Mahaia deitu du prezipitazio handiengatik eta iragarri dute Udalak eta Udaltzaingoak egoerari dagozkion neurriak hartzen ari direla. Horren eraginez, ur-ekintza guztiak bertan behera uzteko gomendioa egin dute eta herritarrei ezbeharrak ekiditeko hainbat gomendio egin dizkiete, hala nola adar eta kartelakaz kontu izatea, mendira ez ateratzea, gidatzerakoan abiadura mantsotzea edo autoa ez erabiltzea eta urak eramateko moduko gauzak erretiratzea.

Jendartea
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun