Kandelaria Kultur Elkarteak eta Oroile Ikerketa Taldeak atzo egin zuten ekitaldian, besteak beste, gogoan izan zituzten Pedro Lopez Percebal, Segundo Arcocha Solabarrieta, Antonio Oleaga Bilbao eta Remigio Atxirika Ibargoenetxea Plentzia eta Gorlizko bizilagunak, baita guda horretan hil ziren gainontzeko 30 gudariak ere. Gainera, ekitaldian aipatutakoen senideak ere izan ziren, eta lore gorri sorta bota zuten itsasora beraien omenez.
Bestak beste, ekitaldian irakurritako manifestuan egun horretan gertatutako honela gogoratu zuten: "1937ko martxoaren 5ean 34 gudarik galdu zuten bizia, horien artean hasieran aipatutako Gorliz eta Plentziako bizilagunak eta Galdamesen zeuden bost zibil, tartean, hiru haur. Gorliz, Lemoiz eta Plentziako beste bost gudarik bizia salbatu zuten Matxitxakoko borroka gogorrean parte hartu ondoren; Donostia bouan Antonio Sanchez Ferrol eta Patxo eta Nicolas Elortegi Ganbe anaiak borrokatu ziren. Bizkaian Rafael Mentxaka Ugalde eta Nabarran Txomin Ibergaray Zuloaga".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun