Maiatzaren 4an, zapatuan, banatu zituzten Barrikan Mikroipuinen Lehiaketako sariak. Euskarazko modalitatea Joseba Santxok irabazi du, Amets mikroipuinari esker; gaztelaniazkoa, aldiz, Eva Susana Biggik, El velo lanari esker.
Gaia librea zen, eta parte-hartzaileek "aroma" hitza edo horretatik eratorritako edozein termino erabili behar izan dute.
Gertuko Auzokide Elkartearekin elkarlanean antolatutako lehiaketa 18 urtetik gorako Uribe Kostako bizilagunei eta Barrikako Udal Erregistroan agertzen diren Kultura eta Kirol Elkarteetako kideei zuzenduta zegoen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!