Maiatzaren 17an, Nakbaren 76. urteurrenean, Hego Euskal Herriko sindikatuek deituta, elkarretaratzeak egin zituzten hainbat lantokitan eskatzeko Israelek Palestinan eragindako genozidioa etetea. "S.O.S. Rafah, genozidioa STOP" lelopean Uribe Kostako hainbat langile ere batu ziren deialdira.
LAB, ELA, CCOO Euskadi, UGT Euskadi, ESK, CGT, LKN, STEILAS, Solidari, Etxalde eta Hiru sindikatuek deitutako mobilizazioetan Euskal Herriko hainbat langilek bat egin zuten Palestinako sindikatuek eginiko eskakizunei jarraituz.
Egun hori aukeratu zuten duela 76 urte Nakba izeneko desplazamendu behartuan Israelek milaka eta milaka palestinar beren herri eta etxeetatik kanporatu zituztelako.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!