Ozeanoen Munduko Egunagaz bat eginez, Goazen Up-ek Barrika, Gorliz eta Plentziako kostaldeak garbitzeko jardunaldia egingo du ekainaren 7, 8 eta 9an. Ekimenak helburu bikoitza izango du, kostaldeetako plastikoa biltzeaz gain, pertsonak ingurune naturalak babesteko beharraz kontzientziatzeko xedea ere baitu.
Ohikoa denez, Goazen Up arduratuko da taldeak antolatzeaz eta jarduerarako beharrezkoa izango den materiala ere beraiek hornituko dute. Hauek izango dira egun bakoitzeko hitzordua: ekainaren 7an, barikua, 10:30ean Barrikako hondartzako aparkalekuan; ekainaren 8an, zapatua, 10:30ean, Astondoko aparkalekuan eta 9an, domekan, 10:30ean, Plentziako udaletxean. Halaber, interesatuak beraiekaz jarri daitezke harremanetan goazenup@gmail.com helbidearen bitartez.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!