Eredu horrek niretzat izan beharko lituzkeen ezaugarri batzuk aipatzera ausartuko naiz: euskalduna eta gertukoa bai, baina baita herritarron eskubideen defentsa irmoa egiten duena, errespetuz tratatzen gaituena, suzko armarik gabe (foam/taser barne) indarraren neurriko erabilera egiten duena, teknikoki gaitua eta kapitalaren delituak jazartzeko borondatea duena…
Oraindik ere zalantzak ditut elementu garrantzitsu batzuen inguruan. Hau da, mota guztietako delituei aurre egin behar al die? Disidentzia politikoa kontrolatzeko zerbitzu sekretua eduki behar du? Nolako harremana izan behar du botere judizialarekin? Azken finean, polizia-eredu zehatzaz gain, uste dut poliziaren zereginari buruzko eztabaida sakonagoa dagoela. Honi lotuta, ezinbesteko beste eztabaida batzuk: kartzelarena eta sistema judizialarena, justizia herritarra bai, baina nola...
Bidali zure iritzi artikuluak hiruka@hiruka.eus helbide elektronikora
HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.