Atzo egin ziren Europako Parlamenturako hauteskundeetan, Uribe Kosta osatzen duten 10 udalerrietan EAJ izan zen bozka gehien jaso zituen alderdia. Jeltzaleek 19.640 boto eskuratu zituzten guztira, eta lehen indarra izan ziren Getxon, Berangon, Barrikan, Gorlizen eta Plentzian. Eskualdeko bigarren eta hirugarren indarrak izan dira PSOE eta EH Bildu, 16.453 eta 14.754 botogaz, hurrenez hurren.
Alderdi sozialista Erandioko eta Leioako lehen indarra izan da, aldiz, EH Bildu Urduliz, Sopela eta Lemoizen gailendu da. PP izan da eskualdeko laugarren alderdi bozkatuena, 12. 641 bozagaz, Horien atzetik geratu dira VOX (2.455), Sumar (2.252), Podemos (2.203), Bukatu da Festa (1.622) eta PACMA (475).
Parte-hartzeari dagokionez, oro har, eskualdeko hautesleen % 53 inguruk bozkatu du. Getxo izan da ehuneko altuena izan duena, hautesleriaren% 57ak eman baitu botoa, eta Erandio izan da abstentziorik altuena izan duen udalerria, % 47ko parte-hartzeagaz.
Europako Parlamenturako hauteskundeetako datuak, udalerriz udalerri:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.