Prozesu parte-hartzailea ekainaren 24ra arte egongo da zabalik, lotura honen bitartez edo www.zarametro-ctb.eus webgunean. Horretan azaltzen dutenez, Bizkaiko Garraio Partzuergoak (CTB) Bilboko metroaren zarataren eta bibrazioaren aurkako ekintza-plan bat garatu gura du hurrengo bost urteetan.
Zeregin horretarako, jarduera-eremua kalitate akustikoaren helburuak gainditzen dituzten eremuak izango dira lehentasuna, batez ere, trenaren trazadura lurraren azpitik ez doan eremuetan.
Zentzu horretan, iragarri dute arazoa larriagoa den guneetan daborduko zarata- eta bibrazio-arazoak konpontzeko proiektuak dituztela aurreikusita, eta gainontzekoetan neurketak egingo dituztela 2024-2029 urteen artean, egiaztatu eta ondorengo konponbideak baloratzeko.