Horregaz batera, Uribe Kostako Zerbitzu Mankomunitatetik adierazi dute momentu honetan ezin dituztela erretako edukiontziak ordezkatu, erreserban zituen guztiak daborduko erabiltzen ari direlako, eta daudenak ezin dituztela lekuz aldatu, "zerbitzua hankamotz geratuko bailitzateke".
Hori dela eta, herritarrei barkamena eta pazientzia eskatu diete, eta iragarri dute edukiontzi berriak eskuratzeko lizitazioa prestatzen ari direla. Aurreratu dutenez, 25 edukiontzi berri eskatuko dituzte, guztiak metalezkoak, "erreketak saihesteko".
