Irailaren 6an bueltako dira Inguru Minguru tailerrak!

Nahia Martinez Gondra 2024ko abuztuaren 28a
Deskargatu Info Ahotsak :
Español English Français Català Galego

4 urtetik gorako umeei zuzendutako tailer desberdinak egingo dituzte.

Ikasturte berriagaz batera, berriro ere hasiko dituzte ingurumenarekiko errespetua lantzen duten Inguru Minguru tailerrak. Zehazki, iraila eta urriko barikuetan egingo dituzte, Uribe Kostako Zerbitzu Mankomunitatea osatzen duten zazpi udalerrietan. Hala, 4 urtetik gorako umeei zuzendutako tailer desberdinak egingo dituzte, eta parte hartzaile kopurua irekia da. Lehenengo saioa irailaren 6an izango da, Berangoko Moreaga parkean.

Ikastaro hauen xedea da haurren artean ingurugiroarekiko errespetua sustatzea, besteak beste: baliabide naturalak modu egokian erabiltzearen arduraz sentsibilizatzea, hondakin gutxiago sortzearen garrantziaz jabe araztea eta birziklapena eta berrerabiltzea bultzatzea.

Hurrengoak dira tailerren datak: irailaren 6an, Berangoko Moreaga parkean; irailaren 13an, Lemoizeko Urizarreko eskolan (16:30-18:30); irailaren 20an, Urdulizko Antsonekoa Plazan; irailaren 27an, Barrikako Udaletxeko plazan; urriaren 4ean, Sopelako Jauregizar plazan; urriaren 11n, Gorlizko Ibarreta plazan; urriaren 18an, Urdulizko Antsonekoa plazan eta urriaren 25ean, Plentziako Ontziola plazan.

Ingurumena Barrika Berango Gorliz Lemoiz Plentzia Sopela Urduliz
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun