Irailaren 22an, domekan, ehunka bizikletek hartuko dituzte eskualdeko errepideak Erandio, Leioa eta Berango artean. Bizikletaren festa erraldoi horretan, umeak eta beraien familiak izango dira eguneko protagonista nagusiak. Daborduko izen-emateak zabalik daude eta egitaraua eta ibilbidea kontsultatu daitezke www.ubfesta.org webgunean.
Urtero legez, adin guztietako umeentzako modukoa izango den martxa egingo dute Erandiotik aterata. 11:00etan abiatuko dira eta, Leioatik pasatu eta gero, Berangon egongo da helmuga. Behin lasterketa amaituta, 13:00etan, mokadutxoa eskainiko dute dortsalen truke eta hainbat jarduera ere egingo dituzte arratsaldean zehar, Moreaga plazan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!