Eusko Legebiltzarreko Mugikortasun Jasangarriaren Batzordean egindako agerraldian, Garciak garraio publikoa Euskadiren kohesio ekonomiko eta sozialerako funtsezko tresna gisa bultzatzearen garrantzia azpimarratu du, nabarmenduz hori bat datorrela NBEren Garapen Iraunkorreko Helburuakaz eta Europako Itun Berdeaagaz. Hala, datorren urterako Bat, Barik eta Mugi txartelen erabateko elkarreragingarritasuna aurreratu du sailburuak, herritarrei garraio eraginkorrago baterako sarbidea errazteko, hain zuzen ere.
Horregaz batera, iragarri dute 12 urtetik beherakoentzako garraioaren doakotasuna izango dela Euskadiko Garraio Agintaritzaren Osoko Bilkuran aurkeztuko duten lehenengo neurrietako bat. Horren xedea da familien karga ekonomikoa arintzea eta txikitatik mugikortasun jasangarriko ohiturak sustatzea. Gainera, tarifa-sistema berriak deskontu progresiboak izango dituela ere iragarri dute, garraioaren erabileraren eta erabiltzaileen egoera sozioekonomikoaren arabera, bereziki gazteei, langabeei, desgaituei eta familia ugariei mesede eginez.