Laguntza horien barruan sartzen dira, besteak beste, eskola-laguntza, kirol-fitxak, arreta psikologikoa eta logopedia. Laguntzak eskatzeko, Udaleko Gizarte Zerbitzuen bulegora jo behar da aldez aurretik hitzordua eskatuta, 946 762 674 telefonora deituta. Eskaerak aurkezteko epea 2024ko martxoaren 1etik urriaren 31ra arte egongo da zabalik.
Laguntza horiek, lehentasunez, baliabide nahikorik ez duten eta gizarte-bazterkeria jasateko arriskuan dauden familientzat bideratuko dituzte. Azaldu dutenez, horien helburua adingabe guztiek beren garapen pertsonal eta komunitarioan lagunduko duten jardueretan parte hartu ahal izatea bermatzea da. Erakundeek, kultura-elkarteek, kirol-klubek eta guraso-elkarteek laguntza emango dute baliabide horiek modu ekitatiboan eskuratzeko.