Txalet bi hustu behar izan dituzte bart Plentzian izandako lur-jausi baten eta inguruetan dagoen mendian luizia izateko arriskuaren ondorioz, Segurtasun Sailak jakinarazi dionez. Izan ere, azken orduetan euriteak etengabeak izan dira eskualdean.
Gertaera 04:40ak aldera izan da, Plentziako Isuskitza auzoan, inguruan lur-jausi bat izan denean. Horren ondorioz, txalet bi hustu behar izan dituzte; horietako batean ez zegoen inor, eta bestean pertsona bi zeuden, baina ez dira zauritu. Iturriek jakinarazi dutenez, gainera, mendian beste luizi bat izateko arriskua zegoen.
Azken orduotako euriteek Bizkaiko suhiltzaileen hainbat jarduera eragin dituzte, horietako bat Plentziakoa, baina Gorlizen eta Erandion ere ura xukatu behar izan dute, eta Lemoizen eroritako zuhaitz bat kentzeko lanetan aritu dira.
Getxon, gainera, Babes Zibila eta Udaltzaingoa zaintza- eta kontrol-neurriak hartu behar izan dituzte Gobela ibaiaren ertzetik ura irteteko arrisku handiena duten eremuetan. Inguruko bizilagunek aurreikuspen falta salatu dute.