Doinua: Aita izenak
Azaro osoan bertan izan da
zoroa eguraldia:
eguzki ederra, uda giroa
eta beroa handia.
Klima aldaketa ate joka da,
diote ez dela egia.
Politikarien jarrera askotan
ez al da etsigarria?
presta gaitezen, orain baidator
aldaketa nabaria.
Hodeitsu dago, trumoiak gogor
ta euria barra barra,
pasieran ibiltzeko dago
eguraldia kaskarra.
Ilun ta itsusi jarri egin da
Plentziko itsasadarra.
Naturak nahastuz euria eta
eguzki printzaren garra,
ekaitzaren ostean lotsati
atera da ortzadarra.
Nahiz eta ezin den nabigatu
uretan bada txalupa,
udatiarrak joan ote dira
Plentzia al da hustuta?
Hor urrunean ikus daitezke
bata bestea helduta.
Irudi ederra osatzen dute
bi zubiek elkartuta,
ortzadarrak ta zubi zaharrak
bat egin dute muxuka.