Alerta laranja ezarriko dute domekan, haizeagatik

Ander Zarraga 2025ko urt. 24a, 14:50
Deskargatu Info Ahotsak :
Español English Français Català Galego

Datozen orduetan, batez ere etzi, urtarrilak 26an, Eusko Jaurlaritzako Larrialdiei Aurre Egiteko eta Meteorologiako Zuzendaritzak ohartarazi du haizeguneetan 100 eta 120 kilometro orduko haize-boladak izan daitezkeela. Hori dela eta, abisu horia eman dute hurrengo orduetan, eta, domekan, alerta laranja ezarriko dute 06:00etatik 24:00etara. Halaber, eskola-kirol jarduerak bertan behera utzi dituzte Araban eta Bizkaian.

Gomendioak haize handirako

  • Ateak, leihoak eta toldoak ondo itxi eta segurtatu.
  • Loreontziak eta kalera eror daitezkeen objektu guztiak kendu.

Kanpoan baldin bazaude:

  • Ez joan mendira aipatutako ordutegian eta beharreko izatekotan, prebentzio neurriak hartu.
  • Urrundu erlaitz, murru, zuhaitz edo publizitate-hesietatik, eta kontuz ibili lanak egiten ari diren etxeen edo kolokan dauden eraikinen aurretik.
  • Aldamio, garabi eta obrako beste elementuak tinkatu.

Bidaiatuz gero:

  • Saiatu errepidez ez bidaiatzen, bestela, kontu handiz jokatu beti.
  • Aurretik, jakinaren gainean egon zer-nolako eguraldia izango den zu zoazen leku horretan edo pasako dituzun lekuetan.

Itsasotik gertu bazabiltza:

  • Urrundu hondartzatik eta haize handiaren eraginez sor daitezkeen marea eta olatu handien kolpea jasotzen duten lekuetatik.
  • Saiatu itsasontzirik ez erabiltzen eta berrikusi amarrak. Inola ere ez, ez egin uretako kirolik.
Ingurumena
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun