Berangoko Udalak azpimarratu du udalerri bien arteko mugikortasuna “funtsezkoa” dela bertako bizilagunentzat, bai merkataritza arrazoiak direla eta, bai garraio beharrengatik. Izan ere, Berangok metro-linea badu ere, Lantzarte, Basotxu eta Axgane bezalako auzoak metro geltokitik urrun daude eta Getxogaz konektatzeko autobusen zerbitzua beharrezkoa dute.
Era berean, Udalak Bolue 3 geltokiaren garrantzia nabarmendu du intermodalitate puntu gisa, Algortako metro geltokiaren ondoan kokatuta dagoelako. Kokapen horrek adineko pertsonek eta langileek garraiobide desberdinak modu eraginkorrean konbinatzea ahalbidetzen zuela azpimarratu du, irisgarritasuna hobetuz eta eskualde barruko mugikortasuna erraztuz.
Geltoki horiek kentzeko arrazoien inguruko informaziorik ez dagoenez, Berangoko Udalak horiek berriro martxan jartzea eskatu du ofizialki. "Gure betebeharra gure herritarrei erantzuna ematea da", adierazi du Udalak; hala, BFAri erabakia berrikusteko eskatu dio, “erabaki honek biztanlerian eragiten duen kaltea kontuan hartuta”.