Berango C taldeak zelaia utzi zuen 55. minutuan, jokalarietako bati irain arrazista egin ostean. Soriano entrenatzaileak adierazi zuen bere taldeak horrelako egoera bizi duen lehen aldia dela eta, Gazteluetako familia batzuk barkamena eskatzera hurbildu ziren arren, jokalariak atsekabetuta jarraitzen duela gertatutakoagatik.
Ohar-bidez taldeko presidente Joaquin Pozok adierazi du "tolerantziaren, dibertsitatearen eta inklusioaren aurkako edozein motatako ekintza gaitzesten dutela, hala nola arrazakeria, xenofobia, irainak edo biolentzia bai futbolean, zein beste edozein kiroletan".
Gazteluetak, bere aldetik, ohar bat igorri du sare sozialetan diskriminazio mota oro gaitzesteko, azpimarratuz "kirola ikasteko eta dibertitzeko gunea izan behar dela".
Iturri ezberdinek azaldu dutenez, epaileak ez zuen neurririk hartu hitzezko erasoa entzun ez omen zuelako. Arbitraje-aktaren arabera, elkargokideak ez zuen irainik entzun, lesionatutako beste jokalari bat artatzen ari zelako.