Deitzaileek azpimarratu dutenez, protesta premiazko testuinguru batean kokatzen da. Izan ere, azken egunetan Israelek Palestinaren aurkako erasoak areagotu ditu. Gainera, nabarmendu dute Benjamin Netanyahu Israelgo lehen ministroa Hungarian dagoela bisita ofizialean, Hagako Auzitegiak haren aurka atxilotze-agindua emana duen arren.
Hungaria Hagako auzitegira atxikitutako estatua bada ere, bere presidenteak, Victor Orbanek, atxilotuko ez duela lau haizetara zabaldu duela deitoratu dute Gernika-Palestina ekimeneko kideek. "Larria da oso", baloratuta, Leioan dagoen Hungariako kontsulatuan (Iturriondo, 18 - Edificio Metro - Bulegoa 1. C, Leioa) elkarretaratzeko deia egin du Gernika-Palestinak, 12:30ean.