Saioa bi bloketan banatuta egongo da. Lehenengoan, NAIDER laborategi kolaboratiboak Uribe Kostako diagnostiko sozioekonomiko zehatza aurkeztuko du, tokiko ekosistema enpresarialaren erronka eta aukera nagusiak mahai gainean jarriz. Atsedenaldi labur baten ostean, bigarren blokean, Mehatzaldeko Behargintza eta Goierriko Garapen Agentzia bezalako Euskal Herriko beste garapen agentzien testigantzak eta esperientziak azalduko dituzte. Horien ekarpenak eskualdeko etorkizuneko eredu ekonomikoari buruzko eztabaida aberasteko balioko dute.
Uribe Kostako eta Bizkaiko Foru Aldundiko ordezkari politikoak ere izango dira jardunaldian. Gainera, enpresei, sindikatuei, gizarte-eragileei eta tokiko merkataritzaren arduradunei hitza emango diete, eskualdeko garapen ekonomikoari buruzko hausnarketa kolektiboa eta parte-hartzailea sortzeko asmoagaz.