Zerbitzu honek aurrez aurreko arreta eskainiko du eguaztenero, udalerriz udalerri mugituko den bulego mugikor batean. Zerbitzua herri guztietara iritsiko da, baina herritarrek ez dute zertan euren udalerriko datara itxaron beharko, beste udalerri batean jasotzeko aukera ere izango baitute. Azaroan, gainera, bariku goizetan ere egongo da zabalik.
Hitzordual 943 062 930 telefonora deituta edo labur.eus/UKenergia helbidean har daitezke; hitzordurik gabe joatea ere posible da, baina hitzordua dutenek lehentasuna izango dute.
Aholkularitzaren bitartez honako gaiak landuko dituzte: energia-hornidurari buruzko zalantzak argitzea, fakturak ulertzea eta horietan aurreztea, merkatu elektrikoari eta hornitzaileei buruzko informazioa, Bonu Sozialaren inguruko argibideak eta dirulaguntzen berri ematea.
Horrez gain, energia bulegoak hitzaldi eta tailerrak ere eskainiko ditu fakturen inguruan, pobrezia energetikoari aurre egiteko eta energiaren erabilera jasangarria sustatzeko. Egutegi eta ordutegi osoa www.uribekosta.eus webgunean kontsulta daiteke. Zerbitzua Bizkaiko Foru Aldundiaren Trantsizio Energetikoaren eta Klima-aldaketaren arloko dirulaguntzari esker gauzatuko da.
Egutegia:
