Kazola-hotsen bidez, mobilizatutako ehunka gizon-emakumeek Palestinarekiko elkartasun oihuak ozen zabaldu zituzten eskualde osoan. Palestinarren kontrako genozidioa gogor salatu zuten, "egunetik egunera terribleagoa den sarraskia, hain zuzen". Umeak, herritarrak, ospitaleak eta kazetariak "sarraskituak" direla deitoratu zuten, "munduaren begien aurrean eta nazioarteko inpunitatearekin".
Hala, denon begi-bistan gertatzen ari den triskantza bertan behera gelditzeko eskatu zuten, "ezin delako gehiago luzatu ankerkeria hau. Nahikoa da! Genozidioari ez!".
Hilabeteko mobilizazioa, Itzubaltzeta/Romon
Ildo berean, domekan, Itzubaltzeta/Romoko auzokideak kalera atera ziren berriro ere, hilero legez, genozidioaren amaiera exijitzeko. Kasu honetan, mobilizazioa eguerdian egin zuten, 13:30ean, Xake plazan.