Bihar, ikasleek hainbat jarduera antolatu dituzte mobilizazioak izango diren leku ezberdinetan eta dei egin diote ikasleriari horietan parte hartzeko. Ahalik eta lagun gehien batzea beharrezko ikusten dute, eta horregatik, sare sozialetan ikastetxe zein unibertsitateetan erabiltzeko "paro eskaerak" publiko egin dituzte, mobilizazio eguna aurrera eramateko zailtasunak izanez gero, bertan baliabide materialak topatzeko.
Nahiz eta etena eskatzeko epea sei egun izan, adierazi dute "ez ohiko egoeretan ez ohiko erantzunak" beharrezkoak direla. Hala, nabarmendu dute ikasleei kalean borrokan jarraitzea dagokiela, "ezer ez egitea ez delako aukera bat".