Aste-akabu honetan, Etxarri-Aranatzen, TindEHEr proiektuko parte hartzaileen lehen topaketa egin eta "Matxak" iragarri dituzte, hau da, taldeak bikoteka lotu dituzte euren arteko harremanak sendotzeko. Irizpide nagusiak soziolinguistikoa eta lurraldetasuna izan dira: Iparraldeko eta Hegoaldeko gazteak uztartzea eta euskararen inguruko errealitate oso ezberdinetatik datozen taldeak elkartzea.
Horien artean izen diren Plentzia eta Gorlizko Danontzat gaztetxeko kideek Judimendiko GA-Sumendi Espazioagaz egin dute "Matx". Horrek aukera emango die euren artean ezagutza, esperientzia eta ekimen berriak partekatzeko.
Orain, ekimenaren bigarren faseari ekingo diote: urte amaierara arte, "Matxek" euren arteko egitarau bateratuak prestatu eta garatuko dituzte. Euskaratik eta euskaraz harreman berriak eta bizipen partekatuak sortzea izango da ekimen horren helburua, herriz herri eta gaztez gazte, komunitate euskaltzale sendoago bat eraikitzeko bidean.