Baina ezin dugu geure burua zoriondu eta kito esan: euskarak bizi nahi badu, erakundeek eta gizarteak elkarrekin jardun behar dute. Euskaldunok gara gure ahalegin emozional eta ekonomikoari esker hizkuntzari eutsi diogunok, baina erakundeen ardura ezin da bigarren mailan geratu. Haiek dira euskararen aldeko mezu xumeak zabaltzen dituztenak, baina ez da nahikoa; ekintzak behar ditugu. Erakundeek baliabideak, neurriak eta politika sendoak jarri behar dituzte, euskarak eguneroko bizitzan benetako lekua izan dezan. Herritarrok gara, berriz, hizkuntza erabiltzen eta zaintzen jarraitu behar dugunok, harrotasunez eta konpromisoz. Guztion artean soilik lortuko dugu euskarak ez dezan soilik iraun, baizik eta bizi eta hazi, etorkizuneko belaunaldien hizkuntza ere izaten jarrai dezan. Horregatik, gu gara eta izango gara datorren udaberrian kaleak, herriak, hiriak beteko ditugunok karraderan, atxitxika, galapan, lasterka, Korrika.
Gu gara euskararen bizi iraupenean egon garenok; zoritxarrez, ez baita berez bizirik iraun duen hizkuntza. Gu gara, belaunaldiz belaunaldi, bere aldeko lan isil eta tinkoa egin dugunok: gau eskoletan eta euskaltegietan, ikastoletan, familian, lagunartean...
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun