Getxon, Kabalgata bi desfiletan banatuko da aurten. Lehenengoak 17:30ean izango du irteera Andra Mariko kiroldegitik, eta Andra Mari eta Algorta zeharkatuko ditu, Maidagan, Ángel etorbidea, Telletxe, María Andresena eta Algortako Casinoa igaroz. Bigarren desfilea 19:30ean hasiko da Areeta-Romon, eta Zugazarte, Areetako etorbidea, Kale Nagusia, Ezequiel Agirre, Kresaltzu, Monte Gorbea eta Gobelaurre zeharkatuko ditu, Romoko eskolaren parean amaitzeko.
Ibilbide bakoitza amaitzean, Errege Magoek haurrei harrera egingo diete Muxikebarrin eta Romo Kultur Etxean.
Erandion, hitzordua 18:00etan izango da Altzaga zein Astrabudua auzoetan. Ekitaldia antolatu duten Gizarte Unamaz Alkartuak eta Jado Ikastetxeko Kabalgata Elkarteak egitarau zabala prestatu dute; hau da, desfileaz batera, txokolatada, photocalla eta kontzertua ere izango dira.
Leioan, ordea, aurten ez da Erregeen desfilearik egingo, baina Errege Magoek aurrez aurreko harrera egingo diete haurrei Kultur Leioako Erakusketa Aretoan, 11:30etik 14:00etara.
Sopelan, azkenik, Ekialdeko Errege Magoak 18:00etan irtengo dira Larrabasterratik, eta harrera Udaletxeko plazan egingo da.
Ez galdu Errege Magoak ikusteko aukera, Gabonak amaitzear daudela eta!