Ospitaleko arduradunek azaldu duenez, "hainbat gaixo eta senitarteko geletatik ateratzeko aukera izan zuten tarte batez koplak entzuteko. Beste batzuk, berriz, ohetik entzun zuten makilen kolpeek eta ahotsek sortutako oihartzuna. Bertaratutako pazienteek eta langileek hunkituta eskertu zieten Plentziako taldeari egindako bisita. Izan ere, musikak eta kulturak une zaurgarrienetan mina eta ondoeza baretzeko tresna onuragarria da".
Plentziako Txikiteroek urtero bisitatzen dute Urdulizko ospitalea, eskualdea kantuz betetzeko egiten duten biraren baita. Gaur, Santa Ageda egunean, Plentziako kaleetatik ariko dira abesten egun osoan zehar.