"Pentsatu, aukeratu eta amets egin. Ez izan mugarik" lelopean, ekimenak gogorarazi gura du lanbideak aukeratzerakoan oraindik ere eragina dutela "nesken lanak" eta "mutilen lanak" bezalako ideiek. Horregatik, herritarrak aurreiritzi horiek zalantzan jartzera gonbidatu gura dituzte.
Era berean, ikastetxeetan hainbat jarduera egingo dira. Lehen Hezkuntzatik Batxilergora arteko ikasleekaz genero-estereotipoek erabakietan duten eragina, erreferenteen garrantzia eta lanbide teknikoetan edo ofizioetan ari diren emakumeen errealitatea landuko dituzte.
Horrez gain, "Llámame sinsorga" dokumentala ere proiektatuko dute. Lan horrek Bilbon emakumeek sortutako lehen kultura-zentro feminista eraikitzeko prozesua kontatzen du, eta emanaldia amaitu ondoren solasaldia egingo da gaiaren inguruan.