Eduki hau partekatzeko esteka arbelera kopiatu da.
Bizkai Buru Batzarrak (BBB) salatu du Uribe Kostako hainbat batzoki bandalizatu dituztela bart, eta gertatutakoa gaitzetsi du. Hain zuzen ere, Gorliz, Lemoiz, Plentzia eta Sopelako EAJren egoitzetan pintaketak agertu dira gaur goizean, presoen aldeko eta maiatzaren 30erako deitutako manifestazioaren aldeko mezuakaz.
Alderdi jeltzalearen arabera, eguna argitzean aurkitu dituzte pintadak, eta bertan irakur daitezke, besteak beste, "Berangokoak aske", "amnistia" eta "maiatzak 30 manifestazioa" gisako leloak. BBBren esanetan, halako ekintzek ez dute laguntzen "sentsibilitate politiko desberdineko bizilagunen arteko bizikidetzan eta harremanen normalizazioan".
Oharrean, Bizkai Buru Batzarrak nabarmendu du bandalismoak "gure herriak merezi duen balio demokratikoen eta errespetuzkoen aurrerapena oztopatu" besterik ez duela egiten. Horren aurrean, errespetua eta elkarbizitza izan ditu hizpide, eta gertatutakoa salatu du, bide demokratikoak lehenetsiz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
