Mezaren ondoren, sopeloztarrek ohorezko aurreskuagaz Fernando Ansoleagari omenaldia egin zioten. Urtero bezala, hamaiketakoa eta bazkari herrikoia ez ziren falta. Eta, egunari bukaera borobila emateko, patata-tortilla lehiaketa egin zuten, sari-banaketa erromeria bategaz lagunduta.
Urduliztarrek, bestalde, ohorezko aurreskua azken urtean ama izan diren emakumeentzat egin zuten. Sopeloztarrek bezala, hamaiketakoa ere izan zuten. Hauek arrastira arte mendi-magalean egon ziren, jaitsiera dantza taldeakaz eta buruhandiakaz egiteko. Eta, eguna ondo amaitzeko, Antsonekoa plazara heltzean, saltxitxa-ogitartekoak banatu zituzten. Zelako eguna!