Plentziako eta Gorlizko Udalek adierazi duten moduan, elkarretaratzeagaz erregistratutako eraso matxistaren aurrean euren gaitzespenik irmoena eta biktimari babesik zintzoena adierazi gura diote. Aldi berean, emakumeak kontrolatu eta menperatu nahi dituzten jarrera eta ideia matxista guztiak arbuiatzen dituztela azpimarratu dute; eta argi utzi nahi izan dute ez dutela emakumeen aurkako "inolako indarkeriarik onartzen".
Ildo horretan, nabarmendu dute indarkeria matxista ez dela ekintza isolatuen multzo bat, baizik eta gure gizartean presente dagoen "egiturazko sistema baten parte" dela. Hau da "emakumeak kosifikatzen dituen sistema bat, normalizatu ditugun mezu, jarrera eta jokabideez elikatzen dena, eta sexu-desberdintasuna eta gizonek emakumeen gain duten boterea eusten laguntzen duena".
Gertatutakoa salatzeko, Sorginen Alabak taldeagaz, arrasti honetan Plentziako portuan elkartuko dira. "Erasotzaileak sutara!" lelogaz, Gorlizen eta Plentzian indarkeria matxistarik ez dutela onartuko ohartarazi dute.