Gidaren helburua ez da hizkuntzara bakarrik mugatzen. Komunikatzeko modu osoan inklusibotasuna txertatzearen garrantzia azpimarratzen du, pertsona guztiak ikusarazi eta inor kanpoan gera ez dadin. Horretarako, hainbat kolektibori zelan zuzendu azaltzen duten adibide praktikoak eta estereotipoak saihesteko tresnak bildu dituzte.
Eskuliburuak, beraz, egunerokoan erraz aplikatzeko moduko baliabideak eskaini gura ditu. Mankomunitateak nabarmendu duenez, elkarrizketa eta mezuetan egiten diren aldaketa txikiek ere lagundu dezakete pertsona batzuk ikusezin senti ez daitezen eta komunikazio errespetuzkoagoa eraikitzen.
Ekimena Mankomunitateko Berdintasun Zerbitzuaren lanaren barruan kokatzen da. Izan ere, Uribe Kostako Mankomunitatearen 2026ko dokumentazioan, hizkuntzaren eta irudien erabilera ez-sexista eta inklusiboa berdintasun-politiken barruko lan-ildo gisa jasota dago, IV. Berdintasun Planagaz batera.
Eskuliburua Uribe Kostako Zerbitzu Mankomunitatearen webgunean deskargatu daiteke.