Patxo Telleriaren "Kandida" antzezlanerako sarrera bikoitza

Dilema moral sakon bat du proposatzen du Tartean konpainiaren Kandida antzezlan berriak: zilegi al da sortzaile batek errealitate sozial gordin bat bere onurarako erabiltzea? Galdera horretatik abiatuta, obrak giza-harremanak modu "gupidagabean" aztertzen ditu, arrakasta lortzeko prest dagoen gizarte baten faltsukeria agerian utziz.

Obra honetaz gozatu gura baduzu, Erandioko Merkatu Zaharrean, apirilaren 19an, 19:00etan, egingo den emanaldirako sarrera bikoitz bat zozkatuko dugu HIRUKAlagunen artean.

Istorioaren haria Obrak Klara (Nerea Mazo) izeneko idazle hasiberriaren istorioa kontatzen du. Hondoa jota dagoela, epaile batek etxegabetuei laguntzen dien elkarte batean lan egitera zigortzen du. Han Manuela (Miren Gaztañaga) ezagutzen du, eta haren bizitzan oinarritutako autofikziozko eleberri arrakastatsu bat idazten du. Korapiloa Manuela idazlearen etxera laguntza eske joaten denean sortzen da, fikzioan gertatzen den bezala, errealitatean ere etxean har dezala eskatuz.

Produkzioa eta estreinaldia.

• Zuzendaritza eta gidoia: Patxo Telleria.
• Aktoreak: Miren Gaztañaga (Manuela/Kandida), Nerea Mazo (Klara) eta Mikel Martinez (Editorea).
• Estreinaldia: Bilboko Arriaga antzokian, 2026ko otsailaren 3an eta 4an.
• Hizkuntza: Euskaraz estreinatuko da, baina hurrengo denboraldirako gaztelerazko bertsioa prestatzeko asmoa dute.

Kritikaren ikuspuntua Imanol Alvarezen kritika baten arabera, antzezlanak modu berezian nahasten ditu errealitatea eta fikzioa, non Manuelaren pertsonaiak ere ezin dituen bi munduak bereizten. Kritikak nabarmendu du Miren Gaztañagaren lana dela gehien "luzitzen" duena, pertsonaiak eskaintzen dituen kontraste eta aukerei esker. Dramatismo handiko istorioa izan arren, umore tantak eta egoera surrealistak ere eskaintzen ditu obrak, ikuslearen barre-algara zein hausnarketa sakona bilatuz.