Politika  Sopela 2017-03-10 13:12

Olga Sanz preso sopeloztarrari lau eguneko baimena eman diote

Olga Sanz Martin ETAko Bizkaia komandoko kide ohiari lau eguneko baimena eman dio José Luis Castro Espainiako Auzitegi Nazionaleko epaileak, SER irrati-kateak zabaldu duenez. Aipatutako iturriak azaldu duenez, magistratuak kontuan hartu omen du presoak "espetxe-zigorraren erdia bete eta erakunde terroristatik zein EPPKtik bereizten duen dokumentu bat sinatu duela". Halaber, "biktimei barkamena eskatu" ei die eta "damututa" omen dago.

  Jendartea  Sopela 2017-03-08 12:38

Erdigunea, oinezkoen lehentasuneko gune, Sopelan

Erdigunea, oinezkoen lehentasuneko gune, Sopelan

Udal-aurrekontuak aurrera ateratzeko, hitzarmena izenpetu zuten abenduaren akabuan EAJk, PSE-EEk eta EH Bilduk. Azken horiek aurkeztutako 13 zuzenketak aintzat hartu ostean, botoa ematean, abstenitu egin ziren koalizioko zinegotziak. Proposamenen artean, Sopelako erdigunean oinezkoei lehentasuna ematea eskatzen zuen EH Bilduk; Denok Batera alderdiak, ostera, ez du begi onez ikusten hori gauzatzeko ipinitako 130:000 euroko diru-partida.

  Kultura  Sopela 2017-03-08 11:58

Udalak “ipinitako trabak” salatu dituzte Sopelako kuadrillek

Udalak “ipinitako trabak” salatu dituzte Sopelako kuadrillek

Euren ekintzak gauzatzeko orduan, Udalak emandako laguntzari "eskasa" dela iritzi dio Sopelako Kuadrillen Koordinakundeak; lagun-taldeek salatu dutenez, "trabak etengabeak izan dira".

  Kultura  Sopela 2017-03-03 13:00

"Euria" lana antzeztuko du Markeliñek, Sopelan

"Euria" lana antzeztuko du Markeliñek, Sopelan

Markeliñe antzerki-taldeak "Euria" izenburuko ikuskizun familiarra eskainiko du, Kurtzio kultur etxean, domeka honetan, martxoaren 5ean. Emanaldia arrastiko 06:00etan izango da, eta sarrerak 3 euroan daude salgai umeentzat, ohiko lekuetan; helduek 5 euro ordaindu beharko dituzte.

  Jendartea  Sopela 2017-03-02 11:00

Martxoaren 4an hasiko da Sopelako Emakumeen Astea

Martxoaren 4an hasiko da Sopelako Emakumeen Astea

Emakumeen Nazioarteko Eguna dela eta, hainbat jarduera antolatu ditu Itzartu elkarteak, Sopelako Udalaren laguntzagaz. Hala, martxoaren 4tik 12ra arte, ekimenez betetako jardunaldiak egingo dituzte, udalerrian: antzezlanak, berbaldiak, lehiaketak eta dantzaldiak ez dira faltako. Horrez gainera, Itzartuk bazkaria egingo du, Artxandako Txakoli jatetxean, martxoaren 11n, zapatuan; emakumeen elkarteko kideek autobusa 14:00etan hartuko dute, Urbaso taberna aurrean.

  Kultura  Erandio  Getxo  Leioa  Sopela  Uribe Kosta 2017-03-01 18:41

Gaylesbotrans-zinema, eskualdean

Gaylesbotrans-zinema, eskualdean

Bilboko gaylesbotrans nazioarteko zinemaren eta arte eszenikoen jaialdiaren akabera-ekitaldia Guggenheim museoan izango da, zapatu honetan, martxoaren 4an. Hala ere, ohikoa denez, Zinegoak jaialdiak beste hainbat herritan ere emanaldiak eskainiko ditu, Hedapenak atalaren barruan. Uribe Kosta eskualdeari dagokionez, Getxon, Erandion, Leioan eta Sopelan izango dira ekitaldiak. Lehenengoa Algortako kultur etxean egingo dute martxoaren 8an, eguaztenean. Egun horretan, "The pearl of Africa" dokumentala proiektatuko dute, 20:00etan, kultur etxean; sarrera, doan.

  Kultura  Sopela 2017-03-01 16:17

Sagardotegian afaltzeko irteera antolatu du Sopelako Udalak

Sagardotegian afaltzeko irteera antolatu du Sopelako Udalak

Astigarragako Petritegi sagardotegian afaltzeko txangoa prestatu du Udalak, martxoaren 18rako, zapaturako. Parte hartu gura dutenek martxoaren 8a baino lehen izena eman beharko dute, Kurtzio kultur etxean, 944 065 505 telefono-zenbakira deituz edo hall-kulturala@sopela.eus helbidera idatziz. Mezuan izen-abizenak, jaiotze-data eta telefono-zenbakia ipini beharko dituzte izena ematen duten guztiek. 

  Kirolak 2017-02-28 11:46

Hirunaka

Erabiltzailearen aurpegia Geuria.info

Athleticek garaipen berri bat eskuratu zuen Santa Teresari 2-1 irabazita Joseba Agirreren taldeak bere dinamika onarekin jarraitzeko aukera zuen Lezaman.Irakurri gehiago

2017-02-23 13:27

Pentsakera arrazionala vs aurreiritziak

Erabiltzailearen aurpegia Eduardo San Andres

Gure gaur eguneko gizartearen arazoen zerrenda ez da laburra. Beharbada, zerrenda horren lehendabiziko postua pentsakera zientifikoa eta arrazionalaren presentzia urria da.

  Kirolak  Getxo  Sopela 2017-02-26 18:00

Panda Raid Bizkaia taldea martxoaren 7an joango da Marokoko basamortura

Panda Raid Bizkaia taldea martxoaren 7an joango da Marokoko basamortura

Lau uribekostar basamortura joango dira martxoan, Marokoko eskoletan eta ospitaleetan laguntza banatzera. Panda Raid Bizkaia seikotearen barruan joango dira.

  Politika  Sopela 2017-02-25 16:37

Erabakitzeko eskubidearen aldeko zozketa egingo dute Sopelan

Erabakitzeko eskubidearen aldeko zozketa egingo dute Sopelan

Athleticen emakumezkoen taldeak sinatutako kamiseta zozkatuko dute, Sopelako Laiak tabernan, martxoaren 2an, eguenean. Hitzordua 20:30ean ipini dute; daborduko bertan daude txartelak salgai, 1 euroan. Gure Esku Dago herri-ekimenak sortutako Uribe Kostako Ados taldeak antolatu du zozketa; modu horretan, erabakitzeko eskubidearen aldeko herri-galdeketa bultzatu gura dute.

  Kultura  Sopela  Uribe Kosta 2017-02-25 12:00

Erica Liquete: "Txikiek gurasoei euskara irakasteak motibazio-puntua ematen dio proiektuari"

Iñigo Fernandez de Martikorena

Erica Liquete: "Txikiek gurasoei euskara irakasteak motibazio-puntua ematen dio proiektuari"

Sorgina Txirulina proiektua hasi berri du Erica Liquete Villamor sopeloztarrak, euskaldunak ez diren gurasoek euskara ikas dezaten, ipuinen eta seme-alaben laguntzaz.

  Jendartea  Sopela 2017-02-24 13:19

Orange operadoreak zuntz optikoa ipiniko du Sopelan

Orange operadoreak zuntz optikoa ipiniko du Sopelan

Herrian telekomunikazioak hobetzeko "aurrera pauso garrantzitsu" bat eman du Sopelako Udalak, bertoko agintariek adierazi dutenez. Orange operadoreak 600.000 euro inguru inbertituko ditu zuntz optikoa herriko 3.400 etxebizitza eta negozio baino gehiagotara iris dadik. "Udalerriko etxebizitza eta negozioen %70ak baino gehiagok merkatuko telekomunikazio finkoen teknologia aurreratuena eskura izango dutela suposatzen du", azaldu dutenez. Proiektua aurten eta datorren urtea bitartean gauzatzea aurreikusten da, eta "horretarako faktore giltzarria izango da komunitateetako ugazabek eta finketako administratzaileek instalaziorako baimenak ematea.

  Kirolak  Sopela 2017-02-23 14:00

Mendive eta Herran, nagusi Sopelan

Mendive eta Herran, nagusi Sopelan

Joan den zapatuan, Sopelako XII. Duatloia ospatu zen. Irabazleak honakoak izan ziren: Maria Mendive gipuzkoarra, BPXport kirol-klubekoa, 1.07.17ko denboragaz; eta Urko Herran arabarra eta ArabaTri taldeko kidea, 54.59ko denboragaz. Taldekako lehiari dagokionez, Sestao Triatloi Taldeak irabazi zuen emakumezkoen mailan; ArabaTri arabarrak, gizonezkoenean. Proba Hirubi Trialoi Taldeak eta Euskadiko Triatloi Federazioak antolatu zuten; EAEko duatloi-zirkuituko bigarren esprint-proba izan zena.

  Kultura  Sopela 2017-02-23 12:00

Kuadrillek zapatuan ospatuko dituzte aratusteak, Sopelan

Kuadrillek zapatuan ospatuko dituzte aratusteak, Sopelan

Sopelako kuadrillak prest daude mozorrotzeko, zoratzeko, ospatzeko... Izan ere, bazkaria (14:30) eta mozorro-desfilea (17:00) antolatu dituzte; zapatu honetan izango dira, otsailaren 25ean, Ander Deuna ikastolan. Egitarauari jarraituz, arrastiko 07:00etatik aurrera, poteoa egingo dute kalez kale, Polekelele elektro-txarangagaz. Hala, bazkarirako txartelak Sopelako Laiak tabernan eta Larrabasterrako Ugari supermerkatuan eros daitezke, 10 euroan. Historia da mozorrotzeko aukeratu duten gaia.

  Kultura  Sopela 2017-02-23 11:14

Denontzako antzerkia egongo da bihar eta etzi, Sopelan

Denontzako antzerkia egongo da bihar eta etzi, Sopelan

Kulunka Teatro konpainiak otsailaren 24an "Edith Piaf. Taxidermia de un gorrión" antzezlana eskainiko du, Kurtzio kultur etxean, bariku honetan. Hurrengo egunean, XIX. mendeko ipuin klasiko bat eroango du oholtzara Glu Glu antzerki-taldeak; musikaren, dantzaren eta jolasen bitartez, "Mari kizkur eta hiru hartzak" antzezlana beren-beregi. Familia osoarentzako ikuskizuna da. Sarrerak Kurtzio kultur etxean, udaletxean eta Larrabasterrako Sopelarin udal-bulegoan eros daitezke.

  Kultura  Sopela 2017-02-22 16:07

Patxi Larrionen lehenengo nobelaz berba egingo dute bihar, Sopelan

Sopelako Irakurle Klubeko kideak berriro batuko dira bihar, eguena, otsailaren 23a; hitzordua arrastiko 07:00etan ipini dute, Kurtzio kultur etxean. Oraingo honetan, Patxi Larrion (Bergara, 1964) idazlearen lehenengo eleberriaren gainean berba egingo dute; "jukutriak eta sekretuak, anbizioa eta traizioa, adiskidantza eta desira irabiatu ditu bizitasun harrigarriz" bergararrak "Feriatzaileak" (Susa, 2016) nobelan, horrela dio horren sinopsiak.

  Kirolak  Sopela 2017-02-16 13:15

Lointekeko txirrindulari bi, Munduko Kopan

Lointekeko txirrindulari bi, Munduko Kopan

Sopelako Lointek taldearen txirrindulari bi lehiatuko dira Pistako Munduko Kopan, aste-akabu honetan, Calin (Kolonbia). Daborduko, bertan daude Ziortza Isasi elorriarra eta Gloria Rodríguez murtziarra.

  Kirolak  Sopela 2017-02-16 11:15

Zapatuan egingo dute Sopelako Duatloia

Zapatuan egingo dute Sopelako Duatloia

Datorren zapatuan, otsailaren 18an, duatloiagaz hitzordua izango du Sopelak. Bertan jokatuko da 2017ko EAEko duatloi-zirkuituaren bigarren proba. Hamabigarren edizioa izango da aurtengoa, esprint-distantzian egingo da, eta Sopelako Hirubi triatloi-taldeak eta Euskadiko Triatloi Federazioak antolatuko dute.

  Kultura  Erandio  Getxo  Sopela  Uribe Kosta 2017-02-16 09:30

Liburuak, aukeran egunotan

Liburuak, aukeran egunotan

Uribe Kostako literaturazaleek egundoko asteaz gozatzeko aukera izango dute: zapatutik eta martitzenera bitartean, bost aukera izango dituzte aurrez aukeratutako liburuetan sakontzeko eta zenbait egile ezagutzeko. Eskualdeko irakurzaleen taldeek, kultur elkarteek eta kultur etxeek eskainiko dute aukera horiek. Liburuon artetik hiru euskarazkoak dira.

Nabarmenak

Zorion agurrak