Kultura 2004-02-03 21:25

Goizetik gauera, kantuek beteko dituzte kaleak, Agate Deuna bezperan

Erabiltzailearen aurpegia Ukberri Getxo udalerrian, hamazortzigarren edizioa beteko du bihar Agate Deuna koru jaialdiak. Goizetik gauera, umeek zein nagusiek kantuz beteko dituzte herriko kaleak, bi ibilbidetan banatuta: Erromo-Areeta eta Algorta-Getxo. Ikastetxeetako abesbatzak goizean arituko dira, eta beste guztiak 19:00etatik 21:00etara. 20:00etatik aurrera, Algortako San Nikolas Plazan kantatuko dute Getxo auzoko koruek.

Gorlizen ere santa eskean aterako dira hainbat taldek. Besteak beste, ikasle eta irakasleek beteko dituzte kaleak goiz partean, arratsaldean Lirain Abesbatzari eta Aratz Dantza Taldekoei txanda emateko.

Azkenik, Sopelan, 180 euroko dieta jasoko dute lehiaketan izena eman duten guztiek. Goizean irteten direnek 12:00etan abestu beharko dute Udaletxeko Plazan; eta arratsaldekoek, 19:30ean. Horretaz gain, Loiola Ander Deunan, Urgitxeta Plazan, Iparragirre eta Sabino Arana kaleetan kantatu beharko dute guztiek. Ander Deuna Ikastola, Sopelako Udal Euskaltegia, Nikola AEK euskaltegia, Zipiriñe Ikastetxea, Sopelana BHI, Arratsaleak eta Munarri Abesbatza arituko dira besteak beste.
  Kultura 2004-01-29 17:00

Eusko Jaurlaritzak dirulaguntza ukatu dio Bizarra Lepoaneko hiru proiekturi

Erabiltzailearen aurpegia Ukberri Eusko Jaurlaritzako Hizkuntza Politikarako Sailburuordetzak ez du Bizarra Lepoan Getxoko Euskara Elkartearen hiru ekimen diruz lagunduko, egunotan banatzen ari den euskara sustatzeko dirulaguntzen ebazpenaren arabera. SEI eta Kontseiluarentzat ere berri txarrak izan dira.
  Ekonomia 2004-01-26 22:25

Lan-egutegia negoziatzea eskatu dute EHUko administrazio eta zerbitzu langileek

Erabiltzailearen aurpegia Ukberri ELA, LAB, EILAS eta CCOO sindikatuek EHUko Administrazio eta Zerbitzuko Langilegoaren lan-egutegia eta lan-poltsaren kudeaketarako moldaturiko testua negoziatzea eskatu dute gaur. Aipatutako sindikatuek EHUko gerentearen jarrera salatu dute prentsa ohar baten bidez, eta "plazak amortizatzen ahalegintzea, unibertsitateko zerbitzuak pribatizatea eta Funtzio Publikoaren Euskal Legea ez betetzea" leporatu diote. "Gerentearentzat, espedientea betetzeko audientziazko izapide bat besterik ez da negoziazio kolektiboa, negoziatzeko inolako borondaterik gabe eta, are gutxiago, akordioa lortzeko", adierazi dute.
  Jendartea 2004-01-22 18:38

Kontsumismoa vs. biziraupena, muturreko bi gizarteak

Erabiltzailearen aurpegia Ukberri Pertsona guztiak berdinak garela entzun behar dugu sarritan. Baina hori ez da egia izaten dirua tartean badago. Bestela zergatik utzi dugu Hirugarren Mundua horren marjinaturik, gu hemen hain ondo bizi garen bitartean? Ez litzateke zilegi denok berdinak izanda, guztion bizi-kalitatea ere hala izatea?
  Jendartea 2004-01-19 20:15

Ibilbidea egingo dute Santa Marinako haitzetan

Erabiltzailearen aurpegia Ukberri Santa Marinako haitzen inguruan, Sopela eta Urduliz lotuko dituen bidea egiteko proiektua bultzatzen dihardute bi herri horietako udalek. Honen bidez, xendazaletasuna eta trekking-a praktikatu ahal izango dira bertan. Egitasmo berri honen xehetasunak adosteko bidean daude Sopela eta Urdulizko udal korporazioek. Eta Jataondo mendi-nekazaritza elkarteak ere parte hartuko du.
  Jendartea 2004-01-13 18:58

Uribe Kostako hiru kide ETBko "Barnetegia" saioan

Erabiltzailearen aurpegia Ukberri Gaur hasiko den "Barnetegia" saio berrian hamalau lehiakideetatik hiru Uribe Kostarrak izango dira: Erika Likete sopeloztarra, Eneko Sanz algortarra eta Fakundo Aznarez Argentinako berangotarra.
  Hezkuntza 2004-01-08 21:48

Gero eta gaztelera gutxiago espainiar unibertsitateetako ikasgeletan

Erabiltzailearen aurpegia Ukberri Ikasketak gaztelera hutsez burutzen dituzten ikasleen kopuruak %20ko portzentajetan kokatzen da estatuko zenbait zentrotan, Gironako Unibertsitatean kasu. Azken hamarkadan gora egin du katalunieraz, euskaraz eta, proportzio txikiagotan, galegoz zein balentzieraz ikasteko hautaketa.

Jarraitu
  Jendartea 2004-01-05 21:56

Geltoki berriak jarriko dituzte Bizkaibuseko EHUko eta Armintzako lineetan

Erabiltzailearen aurpegia Ukberri EHUko Leioako campusa Bilborekin lotzen duen Bizkaibuseko linean, aldaketan egingo ditu datorren asteazkenetik aurrera, Bizkaiko Foru Aldundiko Garraio eta Herri Lan Sailak. Beste alde batetik, Plentzia-Gorliz-Andraka ibilbidean, hiru geltoki berri jarriko dituzte, Armintza Lemoizko Urizar auzoarekin hobeto lotzeko.
  Hezkuntza 2003-12-30 22:25

Legebiltzarrak atzera bota du Unibertsitaterako lege proiektua

Erabiltzailearen aurpegia Ukberri SAk, PPk eta PSEk aurka bozkatu dute; hala ere, hirukoak ekimena lege proposamen bezala bideratzeko eskaera aurkeztu du porrot egin eta berehala, "2004. urtean bertan legea izan dadin"

Ezustekorik ez zen izan eta Eusko Legebiltzarreko osoko bilkurak atzera bota zuen atzo Unibertsitaterako lege proiektua. Izan ere, Sozialista Abertzaleek (SA), PPk eta PSE-EEk legearen testuaren nahiz EAJ, EA eta IU-EBren zuzenketen aurka bozkatu zuten; alabaina, porrota gertatu eta minutu gutxi batzuk igarota, hirukoak Eusko Legebiltzarrean bertan ekimena aurkeztu zuen lege proiektua lege proposamen moduan bideratzeko. Lege proposamenak testu osoa izango luke, hots, oposizioko hiru taldeen zuzenketak barne. Hirukoaren ustea da era horretara onartu ahal izango duela legea, SAren laguntzarekin, eta PPren zein PSE-EErena ere baduela argudiatuz.

Jarraitu
  Jendartea 2003-12-30 20:06

Uribe Kostako Korridoreko obrak urrian

Erabiltzailearen aurpegia Ukberri Bizkaiko Foru Aldundiak jakitera eman duenez, 2004ko urrian hasiko dira Uribe Kostako Korridoreko hurrengo tartea eraikitzeko lanak. Berangoko Mimenaga auzoa eta Sopelana lotuko ditu zati berri honeki, eta bi kilometro inguruko luzeera edukiko du errepideak. Gainera, teknikoki, konplexutasun handikoak izango omen dira lanak, hasteko, aldapa jarri behar dutelako Mimenagako errotonda parean. Horren adibide, beharko dituzten 36.799.293 euro.
  Jendartea 2003-12-28 21:31

Bertsio ofiziala, bertsio erreala?

Erabiltzailearen aurpegia Ukberri Tamalgarria da gaur egun hedabideek jendearen pentsamoldean duten gehiegizko eragina. Hiritarrek ikusentzunezkoen bidez jasotako informazio guztia, eta are zuzenago telebistaren bidez jasotakoa, testualki irentsi egiten dute, hau lehenik prozesatu barik. Baina, zer nolako sinesgarritasun maila dute informazio horiek? Benetakoak al dira trasmititutako datu guztiak?

Adibide zehatz batekin aztertu dezagun gaia: Joan den urriko 13an, Burgoseko Medina de Pomar herrian gertakari penagarria eman zen. Asteburu hartan herriko jaiak ospatzen ziren eta Bilboko eta Medina inguruetako auzokideak bertara abiatu ziren festarako gogoz. Haietariko batek, F.J.L.M, hogeita lau urteko gaztea, Bilboko San Adrián auzokoa, heriotza aurkitu zuen ustez dibertsioa eskeiniko zion gau hartan. Larunbateko gaua zen eta herriko diskotekarik ospetsuenean zebilen jendea gaueko azken minutuak aprobetxatu nahian. Bat-batean bi gazteren artean hasitako eztabaida diskotekaren ateko burrukan amaitu zuen.
  Kirolak 2003-12-26 22:06

Dena prest euskal futboleko jaialdi handirako

Erabiltzailearen aurpegia Ukberri Dena dago prest bihar Euskal Selekzioak Uruguayen aurka jokatuko duen partidarako. Sarrera guztiak ia agorturik daude jada, San Mames bete-betea egongo den seinale, euskal futbolaren jaialdi handia ospatzeko.

Gainera, urtero legez, Ibilaldia ere bere lekua edukiko du berdegunean. Aurten, Sopelako Ander Deuna eta Leioako Betiko ikastoletako haurrek ikuskizun paregabea antolatu dute biharko, partida hasi aurretik.
  Kultura 2003-12-23 22:34

Badator Olentzaro

Erabiltzailearen aurpegia Ukberri Hamabi hilabete luze itxaroten egon ostean, urteko gaurik magikoenarekin gozatu ahal izango dute bihar Euskal Herriko ume guztiak. Bapo afaldu eta gero, lozorroan sartu eta, eguna argitzean, orduan hasiko dira arineketak eta komeriak. Hala ere, ohera sartu aurretik, abestu eta jolasteko aukerarik ez zaie faltako txikienei. Izan ere, goizean goiz, hartuko ditu Olentzarok, abenduaren 24an, Uribe Kostako kaleak. Bazkal aurretik hasi eta ilundu bitartean, txistulariak, dantzariak eta kalejirak ibiliko dira txokotik txokora. Gauean, txokolate, gozoki eta gaztaina erreekin sabela beto ostean, su eta gabon kanten artean, ikazkin zaharrari azkeneko agurra emateko.
  Jendartea 2003-12-22 14:46

Uribe Kostan ere euro apur batzuk utzi ditu Gabonetako Loteriak

Erabiltzailearen aurpegia Ukberri Euro apur batzuk utzi ditu Gabonetako Loteriak Uribe Kosta eskualdean. BesteaK beste, 10:19ak aldera, Oscar Armero eta Sergio Criado haurrek atera duten laugarren sarietatik bigarrenaren zati bat, Areetako Kale Nagusiko administrazioan saldu dute: 12.956 zenbakia, 200 mila eurorekin saritua txartel bakoitzeko. Ordu erdi beranduago, 10:54ak aldera, Gabriel Sánchez Salcedo eta Lionel González Ballesteros haurrek bostgarren sarietatik bat atera dute, 30.412 zenbakikoa. Honetatik zati bat Sopelako Iparragirre kaleko administrazioan saldu da.
  Hezkuntza 2003-12-18 21:11

Presoek EHUn ikasteko duten eskubidearen aldeko konzentrazioak

Erabiltzailearen aurpegia Ukberri Euskal presoek EHUn ikasteko duten eskubidea aldarrikatzeko kontzentrazioak deituko dituzte hileko azken asteazkenetan EHUko campus guztietan. Dagoeneko EHUko 200 inguru irakasle eta langilek sinatu dute eskubide honen aldeko agiria.

Jarraitu
  Hezkuntza 2003-12-18 21:03

Sindikatuak "harrituta eta haserre"

Erabiltzailearen aurpegia Ukberri LAB, ELA eta EILASek gogorarazi dute Unibertsitatearen lege egitasmoaren atzean eragile askoren lana dagoela.

LAB, ELA eta EILAS sindikatuek, herenegun Eusko Legebiltzarreko Hezkuntza eta Kultura Batzordean Unibertsitate Legearen inguruan gertatutakoaren inguruan, "harridura" eta "haserrea" agertu dute. Haien ustez, "hainbat hilabetetako lana ezin da pikutara bidali, beto politikari aukera emateagatik". PPren jarrera "harrigarritzat" jo zuten, "ez baita konformatzen LOU ezartzearekin". "Hemen behar den legea garatzen ez den bitartean", LOUrekiko menpekotasunak oso ondorio larriak ekar ditzakeela uste dute.

Jarraitu
  Kultura 2003-12-18 20:10

Euskara sustatzeko konpromizu argia hartu du Uribe Kostako Mankomunitateak

Erabiltzailearen aurpegia Ukberri Euskara Biziberritzeko Plan Nagusia (EBPN) aurkeztu zuen abenduaren 15ean (astelehena) Sopelako Udaletxeko Hall Kulturalean Uribe-Kostako Mankomunitateak. Erakundea osatzen duten herrietan euskararen egoera, gaur egun, zein den ezagutzeaz gain, datozen urteetako hizkuntza-politika zehaztea da plan estrategikoaren helburu nagusia, Miren Dobaran Berangoko alkatesak adierazi zuenez. Gainera Eusko Jaurlaritzak eta Legebiltzarrak onartua dago EBPN. Maila pertsonalean, sozialean eta ofizialean, euskararen berreskurapen osoa lortzeko eta, euskaraz bizi nahi duten herritarrei horretarako aukerak eskaintzeko jarriko da abian.
  Hezkuntza 2003-12-17 22:50

Unibertsitate Legea kinka larrian geratu da batzordean

Erabiltzailearen aurpegia Ukberri SAren zuzenketak atzera bota zituzten EAJk eta EB-IUk, eta, ondorioz, legearen aurka bozkatu zuen ezker abertzaleak.

Eusko Legebiltzarreko Hezkuntza eta Kultura Batzordeak atzera bota zuen atzo euskal Unibertsitate Lege egitasmoa. EAJk eta EB-IUk aurrez SA taldearekin adostutako zuzenketen kontra bozkatzea erabaki zuten, eta Hirukoaren ekarpenak bakarrik onartu zituzten. EAk, berriz, SA taldearenak ere babestu zituen. Ondorioz, SAk Hirukoaren testuari babesik ez ematea erabaki zuen, PP eta PSErekin batera.

Jarraitu
  Hezkuntza 2003-12-16 22:46

EAEko Unibertsitate Legearen irizpena atzera bota dute

Erabiltzailearen aurpegia Ukberri EAJk eta EB-IUk SAren zuzenketen kontra bozkatu dute

Auzi hori dela eta, liskarra sortu da berriro Hiruko Gobernuaren barruan, EA ekarpen horiek babesteko prest agertu baita

Eusko Legebiltzarreko Hezkuntza eta Kultura Batzordeak atzera bota du Euskal Unibertsitate Sistemaren Lege egitasmoaren irizpena, EAJko eta EB-IUko ordezkariek ponentzian SA Sozialista Abertzaleak taldearekin adostutako zuzenketen kontra bozkatzea erabaki baitute. EAk, aldiz, ekarpen horietako batzuren alde bozkatu du, "koherentziagatik", eta beste batzuetan abstenitu egin da. Hiruko Gobernuaren baitako konponezina berriro agerian geratu da.

Jarraitu
  Hezkuntza 2003-12-12 22:12

Unibertsitate Legea kolokan

Erabiltzailearen aurpegia Ukberri Unibertsitate Lege berriaren inguruko eztabaida atzeratu egin da EAJ alderdiak eskatuta. PPk eta PSE-EEk beren zuzenketak erretiratu egingo zituztela iragarri ostean, EAJk ez zuen aurrera jarraitu nahi izan Sozialista Abertzaleak taldearen babesarekin bakarrik ez jarraitzearren. Xabier Ormaetxea EAJko legebiltzarkidearen esanetan, EHUko interesen aurretik beste interes batzuei lehentasuna ematen dien jendea dago batzordean eta horrek "arazo larriak" sortu ditu.

Nabarmenak

Zorion agurrak

Haizea

Haizea

Martxoak 31
LARA ETA ADRIAN

LARA ETA ADRIAN

Uztailak 04