Politika 2004-03-15 23:33

Hauteskundeen emaitzak Uribe Kostan

Erabiltzailearen aurpegia Ukberri Uribe Kostako herri gehienetan partehartze handia egon da eta EAJ izan da botu gehien jaso dituen alderdiak. Bigarren indarra, berriz, PSE-EE izan da, Getxon izan ezik. Berton, nahiz eta PPk botu dexente galdu, bigarren lekuari eutsi dio. Balogabeko botuak, Bergarako Ekimenak bultzaturiko autodeterminazioaren aldeko bozkari egotzi dakiokeenak, 5.824 izan dira Barrika, Berango, Erandio, Getxo, Gorliz, Leioa, Lemoiz, Plentzia, Sopela eta Urdulizkoak batuz eta herri gehienetan kontutan izateko portzentaietara helduz.
  Politika 2004-03-13 15:20

Madrilgo atentatuekin zerikusirik ez duela jakinarazi du ETAk

Erabiltzailearen aurpegia Ukberri PPri erantzun eske manifestazioetan

Oraindik ere PPk ETAri leporatzen dizkio atentatuak

ETAren egiletza baieztatzea agindu zien enbaxadei Ana Palaciosek

Eusko Jaurlaritzak eta euskal alderdi politikoek egiatzat hartu dute ETAren deia

Atzo arratsaldeko seiak inguruan ETAren izenean ari zela esan zuen pertsona baten deia jaso zuten Gara egunkarian, eta ETAk Madrilgo atentatuekin ez zuela inolako zerikusirik esan zuen. Halaber, gauza bera jakinarazi zion EITBri. EITBra egin zuen deian komunikazioa grabatzeko eskatu zuen. Deia jaso zutenek, ordea, ezin izan zuten egin, zeuden lekuan posible ez zelako. Nolanahi ere, deiaren egileak ohartarazi zien bere ahotsa ETAk Katalunian su-etena aldarrikatzen zuela iragartzeko zabaldu zuen bideoan ageri zen bi pertsonetako batena zela.
  Politika 2004-03-13 15:16

Zaurituetako beste bat hil da, eta, ondorioz, 200 dira zenduak

Erabiltzailearen aurpegia Ukberri Madrilgo Doce de Octubre erietxean Madrilgo atentatuetan zauritutako gizonezko bat hil da bart gauean, eta, horrenbestez, 200 dira sarraskian zenduak. Madrilgo Institutu Anatomiko Forentseak eman du datu hori.
  Politika 2004-03-13 15:10

Eusko Jaurlaritzak eta euskal alderdi politikoek egiatzat hartu dute ETAren deia

Erabiltzailearen aurpegia Ukberri Madrilgo atentatuekin zerikusirik ez duela esateko ETAk egindako deia egiatzat hartu du Miren Azkarate Eusko Jaurlaritzako bozeramaleak. Halaber, "egia" esatea eta egilea nor izan den argitzea exijitu dio Espainiako Gobernuari eta Jose Maria Aznar presidenteari, bere ustez, "gertaerak argitu ahal izateko froga nahikorik egon behar duelako jada".
  Politika 2004-03-13 14:46

ETAren egiletza baieztatzea agindu zien enbaxadei Ana Palaciosek

Erabiltzailearen aurpegia Ukberri Ser irrati-kateak eta Europa Press informazio agentziak eskuratu ahal izan duten idatziaren bitartez, mundu osoan dauden Espainiako enbaxadoreek herrialde horietako agintariei atentatuen egilea ETA izan dela baiezta dezatela agindu zuen atzo Ana Palacios Kanpo Arazoetarako ministroak.
  Politika 2004-03-13 14:00

Oraindik ere PPk ETAri leporatzen dizkio atentatuak

Erabiltzailearen aurpegia Ukberri Nahiz eta erakunde armatuak Madrilgo atentatuekin zerikusirik ez duela adierazi, ETAren komunikazioari egiantza kendu nahi izan zioten PPko ordezkariek eta PSOEko batzuek. Besteak beste, "inolako baliorik ez" duela adierazi zuen Javier Arenas Espainiako Gobernuko bigarren presidenteordeak (PP). Manuel Chaves Andaluziako presidenteak (PSOE) ere antzeko adierazpenak egin zituen. Jaime Mayor Orejaren hitzetan, "bortizkeriaren logikak ETA egiten du erantzule". Jesus Caldera Diputatuen Kongresuan sozialisten bozeramaleak, aldiz, "guztion zorigaitzerako" ETAk egia esaten duela adierazi zuen.
  Politika 2004-03-13 13:33

PPri erantzun eske manifestazioetan

Erabiltzailearen aurpegia Ukberri Madrilgo atentatuak gaitzesteko Espainiako Gobernuak deitutako elkarretaratzeak hasi baino apurtxo bat lehenago ezagutu ziren ETA erakundearen adierazpenak, horrek PPren, Madrilgo Gobernuaren eta Irakeko gerraren aurkako oihuak eta erantzukizun eskaerak eragin zituen.
  Politika 2004-03-12 20:56

Atentatuak ETAri leporatzen jarraitzen du Acebesek

Erabiltzailearen aurpegia Ukberri Lehergaia ez dela ohikotan ETAk erabiltzen duena aitortu arren, atentatuak erakunde horri leporatzen segitzen du Acebesek. 'Modus operandia'-ri buruzko aztarnetan oinarritu da hipotesi horri eusteko

Angel Acebes Espainiako Barne ministroak hasierako hipotesiari eusten dio, eta Madrilgo sarraskiaren egilea ETA dela esaten segitzen du. Espainiako Segurtasun Indarren ikerketen azken emaitzak jakinarazi ditu Acebesek, eta horien arabera, atzoko atentatuetan erabili zen lehergaia ez da ohiktoan ETAk erabiltzen duena, Goma-2-eco motakoa baizik. Hala ere, lehenesten duten ikerketa lerroa ETAren ingurukoa dela azpimarratu du, `modus operandi'-ari buruzko aztarnetan oinarrituta.

Jarraitu
  Politika 2004-03-12 20:53

Poliziaren arabera, detonagailuak ez dira ETAk erabiltzen dituen bezalakoak

Erabiltzailearen aurpegia Ukberri Espainiako segurtasun indarretako iturriak aipatu ditu irrati kateak informazio hori emateko

Atentatuen inguruko ikerketa daraman Espainiako Polizia Zientifikoaren arabera, Madrilgo atentatuak egiteko erabili zituzten motxiletan topatutako detonagailuen hondarrak ez dira ohikotan ETAk erabiltzen dituenak bezalakoak. Normalean, ETAk aluminiozko detonagailuak erabiltzen dituela zehaztu dute, eta atzo aurkitutakoak kuprezkoak direla. Halaber, ohikotan ETAk titadine lehergaia erabiltzen duela azaldu dute iturri horiek, baina El Pozoko geltokian topatutako motxilakoa Espainian egindakoa dela.

Jarraitu
  Politika 2004-03-12 19:19

PPren kontrako agerraldia bilaka daiteke Bartzelonako agerraldia

Erabiltzailearen aurpegia Ukberri Bartzelonako manifestazioa PPren kontrako agerraldia bilaka daitekeela uste dute Kataluniako alderdiek. Hori dela eta, isilik eta lasai parte har dezatela eta inolako pankarta edo txartelik ez eramateko eskatu diete herritarrei

Kataluniako Legebiltzarreko alderdiak kezkatuta daude gaur arratsaldeko Bartzelonako manifestazioak har dezakeen jitearekin, eta, ondorioz, herritarrei "isilik eta lasai" parte hartzeko eskaria eginez ohar bat zabaldu dute gaur eguerdian. Halaber, inolako pankartarik eta txartelik ez eramateko galdegin dute. Izan ere, Al Kaedaren hipotesia indartu ahala, gaur arratsaldeko manifestazioa PPren kontrako agerraldi bihar daitekeela uste dute. Dagoeneko, Kataluniako 30 bat erakundek deialdi ofizialetik kanpo beste manifestazio bat egitea erabaki dute.

Jarraitu
  Politika 2004-03-12 19:19

Zazpi hilabeteko haur bat hil da, eta dagoeneko 199 dira hildakoak

Erabiltzailearen aurpegia Ukberri 408 pertsonak erietxeetan ingresatuta segitzen dute; 38 hil edo biziko egoeran daude

Erietxean oso larri zegoen zazpi hilabeteko haur bat hil da, eta dagoeneko 199 dira atzoko Madrilgo atentatuetan hildakoak, eta 1.463 zaurituak. Hildakoen artean, 11 estatu diferentetako herritarrak daudela agertu du Espainiako Gobernuko presidente Jose Maria Aznarrek. Zaurituen artean, berriz, 408k oraindik erietxeetan ingresatuta segitzen dutela jakinarazi du, haietatik 38 hil edo biziko egoeran. Hildakoetatik 117 identifikatu dituzte.

Jarraitu
  Politika 2004-03-12 19:18

Ser irrati katearen arabera, detonagailuak ez dira ETAk erabiltzen dituenak

Erabiltzailearen aurpegia Ukberri Espainiako segurtasun indarretako iturriak aipatu ditu irrati kateak informazio hori emateko

Espainiako Ser irrati kateak zabaldu duenez, Madrilgo atentatuak egiteko erabili zituzten motxiletan topatutako detonagailuen hondarrak ez dira ohikotan ETAk erabiltzen dituenak bezalakoak. Espainiako segurtasun indarretako iturriak aipatuz eman du Ser-ek informazio hori, eta, zehaztu du, normalean, ETAk aluminiozko detonagailuak erabiltzen dituela, eta atzo aurkitutakoak kuprezkoak direla.

Jarraitu
  Politika 2004-03-12 19:18

Imaz: "ETA ez dela izan baieztatzen bada, euskal herritarroi zama kenduko zaigu"

Erabiltzailearen aurpegia Ukberri Hori dela eta, "gardentasun osoa" eskatu dio Espainiako Gobernuari sarraskiaren egiletza zehazterako orduan

Josu Jon Imaz EAJko EBBko lehendakariak "gardentasuna" eskatu dio Espainiako Gobernuari Madrilgo sarraskiaren inguruko informazioa ematerako garaian, "izan ere, euskal gizarteari, ETA ez dela izan jakitean, zama kenduko zaio gainetik". Sabin Etxearen aurrean parte hartuko du Imazek atzo sarraskia salatzeko elkarretaratzean, "gizarte demokratikoaren batasunaren" aldeko mezuak zabaldu du.

Jarraitu
  Politika 2004-03-12 19:17

Madrazok armak uzteko exijitu dio ETAri eta Aznarri "Bushekin aliantza hausteko"

Erabiltzailearen aurpegia Ukberri Gaurko manifestazioan 'Biktima guztiekin. Indarkeria guztien kontra. Gerra guztien kontra' goiburua duen pankarta erabiltzea proposatu du

Javier Madrazo EB-IUko koordinatzaile nagusiak ETAri armak behin-betiko uzteko exijitu dio eta Jose Maria Aznar Espainiako Gobernuko presidenteari Iraken dauden Espainiako tropei "berehala erretiratzeko" agintzeko eta "Bushekin duen aliantza hausteko". Madrazok gaur arratsaldeko 19.00etan Espainiako Gobernuak deitutako manifestazioetan parte hartzeko deia egin du, baina goiburua aldatzeko eskatu du. Madrazok xingola beltza duen pankarta zuria proposatu du gaurko mobilizaziorako, edo bestela 'Biktima guztiekin. Indarkeria guztien kontra. Gerra guztien kontra' goiburua duen pankarta erabiltzea.

Jarraitu
  Politika 2004-03-12 14:12

ETAren agiria faltan botatzen duela nabarmendu du Patxi Zabaletak

Erabiltzailearen aurpegia Ukberri "Al Kaeda bada atentatuaren erruduna, Aznar da erantzulea, eta dimititu egin beharko luke", adierazi du Aralarreko buruak

Patxi Zabaleta Aralarreko koordinatzailearen arabera, Al Kaeda erakundea bada Madrileko atentatuaren erruduna, "Aznar da erantzulea, eta dimititu egin beharko luke". Espainiako Barne ministro Angel Acebesen dimisioa ere eskatu du Zabaletak, eta ETAren agiria "faltan botatzen" duela azpimarratu du. "Ez dut uste ETAk eragozpen teknikoak dituenik agiri bat kaleratzeko; borondate kontua dela iruditzen zait", adierazi du ETB-2n eskaini duen elkarrizketan. Halaber, ETAri behin-betiko su-etena eman dezala eskatu dio Zabaletak.

Jarraitu
  Politika 2004-03-12 13:13

Boiseko euskaldunak, susmopean

Erabiltzailearen aurpegia Ukberri Atzokoa egun latza izan zen Boiseko euskaldunentzat, Estatu Batuetan, hedabiderik gehienetan terrorista euskaldunei leporatu zitzaien-eta Madrilgo atentatua. Haietako zenbait sentitu ziren amerikar-arabiar asko sentitu ziren bezala irailaren 11ko atentatuaren ostean, susmopean.

Jarraitu
  Politika 2004-03-12 13:06

Ramon Jauregi: "Arinki eman zen informazioa, eta nahastu egin gintuzten"

Erabiltzailearen aurpegia Ukberri Ramon Jauregi PSE-EEko Espainiako Kongresurako Arabako zerrendaburuaren iduriko, Espainiako Gobernuak "arinki" eman zuen atzo informazioa, eta, ondorioz, nahasmena sortu zen. "Arinki emandako informazioak lehendakaria nahastu zuen, gu nahastu gintuzten, kazetariak nahastu zituen…", adierazi du. Hori dela eta, "gardentasuna eta argitasuna" eskatu dio Espainiako Gobernuari, eta nabarmendu du premiazkoa eta larria dela jakitea Madrilgo atentatuak nortzuk egin zituzten gizarteak zein egoeraren aurrean dagoen jakin dezan.


berria.info
  Politika 2004-03-12 13:01

Aznarrek "ilegalizatutako elkarteetako bozeramaleei" sinesgarritasunik ez

Erabiltzailearen aurpegia Ukberri Aznarrek esan du "ilegalizatutako elkarteetako bozeramaileei" ez dietela sinesgarritasunik aitortuko. Hala ere, Espainiako Gobernuak ez duela "ikerketa lerro bakar bat " baztertu adierazi du.

Jarraitu
  Politika 2004-03-12 12:56

Ikerketari buruzko "informazio ofizialik ez" duela jasotzen iradoki du Ibarretxe

Erabiltzailearen aurpegia Ukberri Juan Jose Ibarretxe EAEko lehendakariak agerraldia eskaini du gaur Madrilgo atentatuari buruz zabaldu diren hipotesi berrien inguruan hitz egiteko, eta Espainiako Barne Ministerioaren eskutik ikerketari buruzko "informazio ofizialik ez" duela jasotzen iradoki du. Arnaldo Otegik atzo esandakoez galdetu diote Ibarretxeri – "batzuk gaur barkamena eskatu" beharko zutela esan zuen–, eta EAEko lehendakariak kazetariei erantzun die ETAri buruz atzo eta aurrekoetan esandakoak berresten dituela.

Jarraitu
  Politika 2004-03-12 12:51

Otegi: "Nik ezin ditut sinistu Acebesek atzo esandakoak"

Erabiltzailearen aurpegia Ukberri Halaber, atentatua ETArena balitz "dudarik gabe, argi eta garbi gaitzetsi egingo" lukeela esan du

Arnaldo Otegi Batasuneko bozeramaileak ETB-2an eskaini duen elkarrizketan adierazi duenez, "sineskaitzak" egiten zaizkio Angel Acebes Espainiako Barne ministroak atzo esandakoak. "Guk atzo egia esan genuen; beste batzuk gezurra", apzimarratu du. Otegiren arabera, atentatuaren egilea ETA izango balitz, "egileen argazkiak, ez dakit nolako frogak..." erakutsiko lituzkete, "baina ez dute egin". Halaber, atentatua ETArena balitz "dudarik gabe, argi eta garbi gaitzetsi egingo" lukeela esan du, eta Espainiako gizarteari ohartarazi dio haien Gobernuak "gezurra" esaten diela.

Jarraitu

Nabarmenak

Zorion agurrak

Haizea

Haizea

Martxoak 31
LARA ETA ADRIAN

LARA ETA ADRIAN

Uztailak 04