Asteartea, abuztuak 11

22:00

23:30

Zinema aire zabalean Gorlizen

Bihar, "Migrazioa, bidaia ahatezina" filma eskainiko dute Gorlizko Gandia auzoan. 2023an sortutako animaziozko film hau Eusko Jaurlaritzaren Zinema Euskaraz programari esker ikusi ahal izango da euskaraz. Familia osoarentzako proposamena da, umorez eta abenturaz betetako istorioa, etxeko txikiek zein helduek udako arratsaldea euskaraz gozatzeko aukera izan dezaten. Adierazi dutenez, euria eginez gero, emanaldia pilotalekuan egingo da.

09:00

Artearen Ibilbidea BBK VII, Animaliategia

Bilboko Arte Ederren Museoko lanen bidez, BBK Artearen Ibilbidea erakusketa ibiltariak animalien munduaren errepresentazioa artearen historian zehar aurkezten du. Bilbao Museoak gaineratu duenez, erakusketa honek, Jose Luis Merino Gorosperen komisariotzagaz, "museoaren bildumako hogeita hamazortzi pieza biltzen ditu —pintura, kartelismoa, argazkia eta forja—, eta, horietan, animaliatasuna ez da apaindura hutsa, baizik eta zentzuaren muina". Hala ere, Animaliategi honek artista bakoitzaren begiradaren bidez animaliak kultura eta memoria partekatuaren forma bihurtzen dela eta natura izateari uzten diola deskubritzera gonbidatzen digu.