Barrikako eszenak grabatu ondoren, Bakiora mugituko da karabana osoa. Izan ere, Bakioko Udalak jakinarazi duenez, hilaren 20an, 21ean eta 22an grabatuko dute telesaila Gaztelugatxen.
"Game of thrones" telesaileko protagonistak Barrikan daude daborduko. Produkzio-taldeak Golfo Norte tabernaren ondoko aparkalekua hartu du, oso-osorik. Izan ere, Europa Press albiste agentziak jakinarazi duenez, grabaketak gaur eta bihar artean egingo dira Barrikako Muriola hondartzan. Ertzaintza eta Guardia Zibila lurretik eta itsasotik zainketa lanak egiten dabiltza, hurrenez hurren, grabaketaren hermetismoa gorde guran. Halere, "El Correo" egunkariak itsasotik argazki bat "lapurtzea" lortu du; horretan Peter Dinklage ikus daiteke, Tyrion Lannister pertsonaia interpretatzen duen aktorea, besteak beste.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun