Koronabirusa Uribe Kostan

Barrikako Udalak Muriola hondartzarako sarbidea mugatuko du gaurtik

Muriola hondartzaren panoramika. CC-BY THEKLAN

SARS-Cov-2aren ondoriozko pandemia-egoeran EAEko hondartzak eta bainatzeko guneak irekitzeko eta erabiltzeko Eusko Jaurlaritzako Osasun Sailak jakinarazi dituen osasun-irizpideei jarraiki, Barrikako Udalak erabaki du gaurtik aurrera (maiatzaren 29a) Muriolako hondartzarako sarbidea mugatzea, herritarren segurtasuna babesteko.

Udalak hondartzatik ateratzeko eta sarbidea mugatzeko agindua onartu du, segurtasun-agenteen jarraibideen arabera eta okupazio-mailari dagokionez jendea pilatzen dela ohartarazteko dauden beste bide batzuetatik lortutako datuak kontuan hartuta. Horrez gain, debekatuta dago hondartzetan kirola bakarka edo taldean egitea, 10:00etatik 20:00etara arte, eta hiru orduko egonaldia ezarri da muga legez.

Bestalde, Udalak erabiltzaileei gomendatzen die ez eramateko eguzkitakorik, aulkirik, hamakarik, koltxonetarik, ez bestelakorik, behar-beharrezkoa ez bada, behintzat.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun