Koronabirusa Uribe Kostan

Aurrez aurreko hezkuntza indartzeko programa ipiniko dute martxan Barrikan

Udal-liburutegian egingo dituzte saioak.

Barrikako Udalak hezkuntza indartzeko online programa sortu zuen orain dela hilabete inguru, familiek gazteenen etxeko lanetarako laguntza eska zezaten. Orain, hezkuntza-errefortzu hori aurrez aurrekoa izango da udalerrian erroldatuta dauden eta lehen hezkuntzan ari diren ume guztientzat.

Zerbitzua ekainaren 18tik uztailaren 31ra egongo da abian, eta interesa dutenek mezu elektroniko bat bidali beharko dute liburutegi@barrika.eus helbidera, edo 94 677 51 63 telefonora deitu, ordutegia adosteko.

Saioek ordubete iraungo dute, astelehenetik barikura, 09:00etatik 14:00etara bitartean, eta familiak erabaki ahalko du astean zenbat egunetan joango den umea. Programaren arduradunak jarraipena egingo die ikastetxetik udan egiteko bidali dizkioten jarduerei, bai eta bakoitzaren beharretara edo zailtasunetara egokitutako jarduera osagarriei ere.

Umeek liburutegiak eta kultura-gelak berriz irekitzeko protokoloan adostutako osasun-neurriak bete beharko dituzte, hau da, maskara erabiltzea, eskuak sarritan garbitzea eta euren materiala bakarrik erabiltzea.

Erlazionatuak

Lehen Hezkuntzako ikasleei laguntzeko sistema ipini du abian Udalak

Barrika

Lehen Hezkuntzan (6 eta 12 urte bitartean) dauden umeen senideei indartzea egoki iruditzen zaien irakaskuntzaren alorretan laguntzen hasiko da Barr...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun