Barrikako Golfo Norte taberna itxi behar izan zuten astearen hasieran bertako langile batek COVID-19 detektatzeko PCR proban positibo eman ondoren. Lokala itxita mantendu dute gaur arte, gune denak desinfektatzeko. Horren arduradunek azaldu zutenez, enpresa espezializatu bat kontratatu zuten desinfekzio-beharrak egiteko.
Kutsatutako langilea atzeman ondoren, gainontzeko behargin denei egin dizkiete PCR probak eta negatiboak izan dira denak. Hala, arduradunek azaldu dutenez, Osakidetzak eta Osasun Sailak eskatutako osasun-berme denak betetzen direlakoan, lokala irekiko dute berriro ere.
